កម្រងអនុស្សាវរីយ៍ (Les collections)
ចុះផ្សាយនៅថ្ងៃ៖
ស្តាប់ - ០៦:២១
នៅក្នុងនាទីខ្ញុំនិយាយពីរភាសារបស់យើង នៅសប្តាហ៍នេះ លោក ឆាយ ហុកផេង សូមធ្វើអត្ថាធិប្បាយជុំវិញប្រធានបទ ស្តីអំពី "កម្រងអនុស្សាវរីយ៍" (Les collections)។
១-ប្រិយមិត្តអ្នកស្តាប់ជាទីមេត្រី នៅរាល់ពេលវិស្សមកាល យើងរមែងស្វះស្វែងទិញដឹកជញ្ជូនអនុស្សាវរីយ៍ប្លែកៗ ដើម្បីរំលឹកនិងតំណាងនូវទស្សនៈកិច្ចនៅទីជនបទក្នុងប្រទេសឬក្រៅប្រទេស។ ប៉ុន្តែនៅមានកម្រងអនុស្សាវរីយ៍នៃមនុស្សមួយចំនួន ដែលស្វែងរករបស់តែមួយមុខយកមកទុកគរតាំងក្នុងទូឲ្យឃើញមានប្លែកៗទៅតាមទស្សវត្សឬសតវត្សនៃតំបន់និងប្រទេសទាំងឡាយ ដូចមានការសន្សំ ចាន កែវ ថាសបញ្ចរង្គ សម័យ Napoléon ឬក៏សម័យអង្គរ សម័យអធិរាជ មិញ្ញ នៃប្រទេសចិន។ល។
Citons les différents titres attribués aux collectionneurs suivants : stickophile (collectionneur d’autocollants), ferrovipathe (trains en miniatures), ésiteriophile (titres de transport), arctophile (ours en peluche), planagologiste (poupées), pipomane (collectionneur de pipes).
២-ដោយឡែក ការប្រមូលសន្សំដូចកណ្តៀរពូនដំបូកដី អាចបង្ហាញថា បុគ្គលដែលសន្សំតែមប្រៃសណីយ៍មកពីប្រទេសនានា គាត់ច្បាស់ជាមានបំណងនិងស្គាល់ប្រទេសនោះៗ នៅថ្ងៃមុខ។ រីឯចំពោះអ្នកសន្សំគ្រាប់កាំភ្លើងគ្រប់ធុនវិញ គេអាចថាគាត់ចូលចិត្តធ្វើសង្គ្រាម ឬក៏ផ្ទុយទៅវិញ គាត់ពិចារណាលើវត្ថុប្រល័យជីវិត ទាំងអាណិតអាសូរដល់មនុស្សជាតិ ដែលបានបង្កបង្កើតឧបករណ៍សម្រាប់បង្ហូរឈាមពូជមនុស្សដូចគ្នា។
Il y a deux sortes de collectionneurs, selon Sacha Guitry, les collectionneurs placards (personnes introverties et méfiantes ne montrant jamais leur collection) et les collectionneurs vitrine (personnes extraverties ne parlant que de ses objets de collection). Ainsi, collectionner pourrait être considéré comme une valorisation narcissique.
៣-ការផ្គាប់ចិត្តខ្លួនឯង ទៅតាមរយៈនៃកម្រងអនុស្សាវរីយ៍ទាំងឡាយ អាចក្លាយជាដំបៅដល់សង្គមជាតិ ដរាបណាគេប៉ះពាល់ដល់ជីវិត ឬទ្រព្យសម្បត្តិអ្នកដទៃ។ ឧទាហរណ៍ មានបង្ហាញឲ្យឃើញក្នុងរឿងអង្គុលីមារ ថាគាត់ស្រឡាញ់ជីរិតអមតៈ។ ដោយហេតុនេះហើយទើបគាត់មិនបានរេរានឹងលើកដាវសម្លាប់មនុស្ស ដើម្បីបន្លេះយកម្រាមដៃខ្មោច មកដោតជាកម្រងចងពាក់នឹងកអោយបានគ្រប់ចំនួន១០០០។ នៅទីបំផុត បុត្រឈ្មោះអង្គុលីមា ប៉ុនប៉ងសម្លាប់ម្តាយរបស់ខ្លួន ព្រមទាំងហ៊ានរត់ដេញតាមព្រះសាមណគោតមនឹងធ្វើឃាដព្រះអង្គដែលទ្រង់យាងមកបាំងផ្លូវកុំឲ្យឧក្រឹដ្ឋជននេះសម្លាប់ម្តាយបាន។
La racine du mal est profonde voire insondable dans l’hypothèse où le fait de « chiner », de collectionner, fait de son auteur un « névrosé ». Or, Balzac se répétant n’avoir jamais eu de mère, s’est dépensé sans compter pour amasser des objets de valeur. Ce faisant, il compensait, semble-t-il, le traumatisme d’ne enfance carencée en amour maternel.
៤-ប្រិយមិត្តអ្នកស្តាប់ តើអស់លោកអ្នក មានកម្រងអនុស្សាវរីយ៍អ្វីខ្លះដែរ ? រីឯខ្លួនខ្ញុំផ្ទាល់វិញ កាលណាឃើញរូបភាពស្ត្រី ជារូបចម្លាក់ឬជាផ្ទាំងគំនូរក្តី រូបទាំងនេះ ឲ្យន័យស្រាលថា ជាសម្ផស្ស ដែលជាបច្ច័យនៃវេទនានិងតណ្ហា ដូចដែលព្រះសង្ឃរមែងសំដែងក្នុងធម្មទេសនា ថា “ផស្សបច្ចយាវេទនា វេទនាបច្ចយាតណ្ហា”។ម្យ៉ាងទៀត ក្នុងន័យបង្កប់ជ្រៅ រូបស្រ្តីសំដៅលើប្រភពនៃមនុស្សជាតិ ជាមាតា។ រូបស្ត្រីមានគភ៌ វារឹតតែជាក់ស្តែង ក្នុងន័យនេះជាងរូបអ្វីៗទាំងអស់។
Par ailleurs, le fait de collectionner les affiches de Mai 68 peut signifier une fixation à un passé vécu ou à une période de mémoire collective. Cependant, collectionner n’est pas s’enrichir, c’est obéir à la nature des sentiments que le collectionneur porte sur l’objet en question. Dans la revue Capital n° 2549, Alain 71 ans expose ses 50 Rolls-Royce et 6 Bentley. « Mes préférences sont cependant », affirme-t-il, « mes neuf Corniche, mais au quotidien, je privilégie mes deux Phantom (…), de l’ère BMW, (…). »
៥-បើស្តីអំពីផ្ទាំងគំនូរនៃខ្សែភាពយន្តវិញ ខ្ញុំបានរកឃើញផ្ទាំងគំនូរមួយស្តីអំពី ការក្បថរវាងគ្នានឹងគ្នា។ វារំលឹកធ្វើឲ្យខ្ញុំ ប្រុងប្រយ័ត្នជានិច្ច ព្រោះបានជួបប្រទះរួចមកហើយ នូវអំពើក្បថក្នុងជីវិតនៃសមាគមន៍នៅឯប្រទេសបារាំង។ ក្បថ គោលការណ៍ ក្នុងការងារ រវាងសមាគមន៍និងសមាគមន៍ដូចគ្នាដែលស្វែងរកទិសដៅដូចគ្នា គឺយុត្តិធម៌នៅចំពោះមុខសាលាក្តីខ្មែរក្រហម។
Il convient, enfin, de souligner que Freud était, lui aussi, un collectionneur. Il possédait près de deux mille objets issus de diverses civilisations chinoises et des civilisations méditerranéennes, égyptiennes en grande majorité puis grecques et romaines. Sa fascination pour lesdits objets s’explique par son identification à l’archéologue Heinrich Schliemann (découvreur de Troie), et de sa passion pour les héros de l’Antiquité. Il collectionnait dès lors plus les symboles que les objets.
៦-ក្នុងចំណោមអ្នកស្ពាយកម្រងអនុស្សាវរីយ មានអ្នកខ្លះសប្បាយហ៊ោកញ្ជ្រៀវដោយបានប្រទះភ្នែកនិងទិញបានរបស់ដែលខ្លួនស្វែងរកមកជាយូរឆ្នាំហើយ។ ខ្លះទៀតក៏រកពុំប្រទះភ្នែកសោះ ប៉ុន្តែការអឡោះអាល័យ ការស្រម័យចង់បានវត្ថុជាទីគាប់ចិត្ត ធ្វើឲ្យមានទុក្ខក្តុកក្តួល រហូតដល់អស់សង្ឃឹម។ ដល់ខណៈនេះ អនុស្សាវរីយ៍ ក្លាយជាជំងឺសសៃប្រសាទគួរឲ្យចៀសវាង៕
Chers auditeurs, merci d’avoir écouté, au revoir et à bientôt.
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ