ទំនិញវប្បធម៌ (Produits culturels)
ចុះផ្សាយនៅថ្ងៃ៖
ស្តាប់ - ០៧:២១
នៅក្នុងនាទីខ្ញុំនិយាយពីរភាសានៅថ្ងៃនេះ លោក ឆាយ ហុកផេងសូមលើកឡើងអំពី "ទំនិញវប្បធម៌" (Produits culturels)។
១-ប្រិយមិត្តអ្នកស្តាប់ជាទីមេត្រីយ ទំនិញនានាមាន នំស្រួយ នំទន់ នំអន្សម ស្រាបៀ ស្រាសាកេ តេគីឡា វុដកា បាយដំណើប បាយបំពង គ្រឿងខ្លែម ក្រែមលាបមុខ របស់ទាំងអស់នេះ គឺជាសម្ភារៈ ជាអាហារ ជាភេសជ្ជៈ ដែលគេដាក់លេបក្រេបជញ្ជក់រួចស្រេចកាលណានោះ ក៏វារលត់បាត់ស្រមោល ក្លាយទៅជាជីវជាតិ ចិញ្ចឹមកោសិកាឈាមក្រហម ឈាមស ដើម្បីបន្តជីវិតមនុស្សឲ្យរស់រានមានអាយុវែង។ ចំណែក ឯទំនិញផ្នែកសិល្បៈនិងវប្បធម៌វិញ តើវាហុចផលប្រយោជន៍ដល់យើងបែបណាខ្លះ ?
D’aucuns sont pétrifiés à l’idée que désormais les sites spécialisés dans la vente en ligne des livres, des chansons et des films, ces sites font consommer à grande vitesse ces produits culturels que jadis les clients discutent avec le libraire avant de choisir, qui un roman, qui un essai ; et qu’il n’y a pas si longtemps que cela on allait au cinéma avec les amis après un palabre quasi interminable sur le choix du film.
២- សម័យបាញ់បង្ហោះតាមប្រព័ន្ធ DATA មាន Snapchat facebook ជាអាទិ៍ ទាំងអស់នេះ បង្វក់និងបង្ហាត់ចិត្តគំនិតអ្នកប្រើឧបករណ៍ ថ្លែងសរផ្ញើសារ ឆាប់រហ័សទាន់ចិត្ត ឲ្យប្រព្រឹត្តនូវអំពើទាំងឡាយ មានការទិញដូរសៀវភៅ ឬជាវថាសចំរៀង ឬ ក៏មើលខ្សែភាពយន្តតាមបែបបទ”ឃើញភ្លាមបាញ់ឆ្វាច់”មិនខ្លាចខាតលុយកាក់ទិញដូរសស្រាំសស្រាក់ទាំងថ្ងៃទាំងយប់។ រីឯ អ្នកខ្លះទៀតដែលកំពុងហូបទំពារបាយនៅឡើយ ក៏ឆ្លៀតចុចមើលចុតហ្មាយឆ្លើយឆ្លងលែបខាយគ្នាផងទៀត។ សង្កេតយូរៗទៅ មនុស្សយើងឥឡូវរស់នៅដូចអំពិលអំពែក។ ប្រសិនបើញែកអធិប្បាយអំពីសំណល់វប្បធម៌ដែលដក់ក្នុងខួរក្បាលបន្ទាប់ពីបានអានសៀវភៅឬបានទស្សនាខ្សែភាពយន្តតាម Netflik ឬ Spotify ឃើញថា អំពើបែបសម័យផ្កាយរណបឥឡូវនេះ ជាការបឺតជញ្ជក់ជីវជាតិវប្បធម៌ មិនមែនក្រេបជញ្ជក់ដូចពីកាលមុនទៀតទេ។
L’homme « moderne » consomme les produits culturels à la vitesse d’un aspirateur qui les gobe en écumant le marché des consommations en ligne. Gober c’est « avaler vivement en aspirant, et généralement sans mâcher » (Le Petit Robert). A la manière d’une grenouille gobant un insecte. Ce faisant, l’homme moderne « se gobe », c’est –à-dire avoir une haute opinion de soi-même. Se gober est, certes, un verbe pronominal peu employé de nos jours, mais son usage dans le cas présent est pleinement approprié.
៣-គ្រោះថ្នាក់ចង្រៃនៃការទិញដូរភ្លឹមភ្លែតនេះ មានទម្ងន់ក្រៃលែងក្នុងវិស័យជួញដូរទឹកប្រាក់ក្នុងទីផ្សារធនាគារដែលបុគ្គលិកខ្លះ អាចធ្វើអោយចំណេញឬខាតដល់ធនាគាររបស់ខ្លួនរហូតដល់រាប់ម៉ឺនកោដិដុល្លារអាមេរិក។ នៅឯធនាគារស្វីស UBS នាចុងឆ្នាំ ២០១១ បុគ្គលិកម្នាក់ឈ្មោះ Kweku Adoboli បានធ្វើអោយធនាគារខាតបង់ប្រាក់ចំនួនជាង ២ពាន់លានដុល្លារ។ រីឯលោកអគ្គនាយកឈ្មោះ Oswald Grübel ក៏ត្រូវបានគេដកចេញពីតំណែង។
នៅប្រទេសបារាំងនាឆ្នាំ ២០០៨ មានបុគ្គលិកម្នាក់ឈ្មោះ Jérôme kerviel បានបង្កអោយធនាគារឈ្មោះ Société Général ខាតប្រាក់ចំនួន ៥ពាន់លានអឺរ៉ូ ប៉ុន្តែគេពុំបានឃើញអ្នកធំនៃធនាគារនេះធ្លាក់ពីតំណែងទេ។ ត្រឡប់មកប្រធានបទស្តីពីការអានសៀវភៅ ស្តាប់បទចំរៀង រូរ៉ាវដូចគេហូបដោយស្រូបបឺតសសៃមីគុយទាវដ៏លឿនរហ័សនេះវិញ តើគេខាតឬក៏ចំណេញអ្វីខ្លះដែរ។
Chers auditeurs et auteurs assidus des livres de grande qualité, vous arrivait-il de les ouvrir pour les « consommer » encore et encore ? Jamais ou presque jamais. Je ne parle pas des rédacteurs voire du pigiste que je suis qui rouvre certains de mes livres pour pouvoir vous affirmer où j’ai pigé telle ou telle référence. Il suit de là que vous consommez des produits culturels à l’instar des nourritures. Or, consommer c’est transformer. La nourriture se transforme en calories, la culture, quant à elle se transformerait en produit de réflexion. Finalement, avant comme pendant l’ère des internautes, consommer la culture n’est pas l’apanage de ces derniers. Nous sommes logés à la même enseigne. La seule différence qui puisse exister entre les deux époques de l’Humanité est la vitesse de la consommation.
៤-កាលពីដំបូងឡើយ មានអ្នកសាព័ត៌មានបារាំងមួយចំនួននៃវិទ្យុ RFI Europe 1, France Culture, France Inter។ល។ គេត្រូវការស្នើយោបល់អោយខ្ញុំផ្តល់បទសម្ភាសន៍អំពីដំណើរការនៃតុលាការវិសាមញ្ញដែលនៅកាលនោះ គេកំពុងកាត់ទោសមេគុកទួលស្លែងឈ្មោះឌុច គីសម្ភាសន៍ក្នុងនាមខ្ញុំ ជាប្រធានសមាគមបារាំងឈ្មោះថា គណៈកម្មការជនរងគ្រោះដោយខ្មែរក្រហម។ នៅពេលមួយនោះ ខ្ញុំបាននិយាយនឹងក្មេងប្រុសដែលមកសម្ភាសន៍ខ្ញុំថាដូច្នេះ « Vous Savez, je ne suis qu’un produit de l’ information » ។ អ្នកសារព័ត៌មាននោះ ក៏ទ្រឹងខ្លួនសំឡឹងមកខ្ញុំអស់មួយរយៈដែលធ្វើឲ្យខ្ញុំភ្ញាក់ហាក់យល់ថា បានប្រើពាក្យមិនសមគួរ ដោយបានពោលប្រាប់គាត់ថា អ្នកដែលត្រូវគេមកសម្ភាសន៍ដូចរូបខ្ញុំនេះគឺគ្រាន់ជាឧបករណ៍មួយនៃការផ្សព្វផ្សាយព័ត៌មានតែប៉ុណ្ណោះ។
Comme tout produit, le produit culturel, après sa consommation, il disparaît au sens propre du terme. L’on se pose dès lors la question : qu’est ce qui dure, qu’est ce qui ne s’efface pas ? En guis e de réponse, permettez-moi, chers auditeurs, de citer Saint Simon : « Tout est beau, style, pensées, jugement sur les hommes et les choses (…). »
៥-ពាក្យទាំងនេះនៃទស្សនវិទូ Saint Simon ធ្វើឲ្យយើងរឮកដល់ព្រះសមណៈគោតមដែលព្រះអង្គ បានប្រៀនប្រដៅសត្វលោក តាមរយៈគម្ពីព្រះតៃ្របិតកក៏ពិតមែន ប៉ុន្តែគម្ពីទាំងនេះ មិនមែនព្រះពុទ្ធអង្គឯងទេ គឺក្រុមសាវគ្គរបស់ព្រះអង្គទេដែលបានចារជាក្បួនច្បាប់នូវព្រះឱវាទដែលពោរពេញដោយការយល់ដឹងនូវជីវិតក្នុងវាលវដ្តសង្សានេះ។
ដូច្នេះយើងអាចសន្និដ្ឋានបានថា ប្រយោជន៍នៃទំនិញវប្បធម៌ ស្ថិតនៅការអប់រំចិត្តនិងការសំអឹតសំអាងបញ្ញាឲ្យកាន់តែមុតស្រួចដូចក្រសែភ្នែកដែលអានចាក់ធ្លុះទំព័រនៃសៀវភៅដូច្នេះឯង៕
Merci d’avoir écouté RFI, chers auditeurs, au revoir et à bientôt.
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ