ថ្នំាវ៉ាក់សំាងលើកដំបូងប្រឆំាងនឹងមេរោគអេបូឡាមានប្រសិទ្ធិភាព ១០០%
នៅថ្ងៃសុក្រ ទី៣១ កក្កដា ក្រុមប្រទេសស្រាវជ្រាវរកថ្នំាវ៉ាក់សំាងប្រឆំាងនឹងមេរោគអេបូឡាបានប្រកាសឲ្យដឹងថា ថ្នំាវ៉ាក់សំាងឈ្មោះ VSV-ZEBOV លើកដំបូងដែលពួកគេផ្តើមធ្វើការសាកល្បងលើកទី១ នៅក្នុងប្រទេសហ្គីណេលើមនុស្សជាង ៤ ០០០នាក់បានហុចលទ្ធផលប្រកបដោយប្រសិទ្ធិភាព ១០០%។ ប្រតិកម្មភ្លាមៗ អង្គការសុខភាពពិភពលោកបានបញ្ជាក់ពីការចម្រើនទៅមុខគួរឲ្យជឿទុកចិត្ត។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៣
ប្រតិកម្មរបស់អង្គការសុខភាពពិភពលោក OMS របៀបនេះត្រូវបានធ្វើឡើងនៅក្នុងសេចក្តីជូនដំណឹងមួយដោយបញ្ជាក់ថា ថ្នំាវ៉ាក់សំាងប្រកបដោយប្រសិទ្ធិភាពប្រឆំាងនឹងមេរោគអេបូឡានឹងមានវត្តមាននាពេលឆាប់ៗខាងមុខដើម្បីចាក់បង្ការទប់នឹងមេរោគអេបូឡានៅទូទំាងពិភពលោក និងថា នេះពិតជាការបោះមួយជំហានទៅមុខដ៏គួរឲ្យជឿទុកចិត្ត។ ការប្រកាសរបស់ OMS បានធ្វើឡើង បន្ទាប់ពីទស្សនាវដ្តីសុខភាពអង់គ្លេសមួយឈ្មោះ The Lancet បានផ្សព្វផ្សាយឲ្យដឹងពីប្រសិទ្ធិភាព ១០០% របស់ថ្នំាវ៉ាក់សំាង VSV-ZEBOV ១០ថ្ងៃបន្ទាប់ពីគេបានចាក់វាទៅលើមនុស្សម្នាក់ដែលគ្មានផ្ទុកមេរោគអេបូឡា តែបានប៉ះជាមួយមនុស្សដែលមានផ្ទុកមេរោគអេប៉ូឡា។
ថ្នំាវ៉ាក់សំាងនេះត្រូវបានអភិវឌ្ឍន៍ដោយទីភ្នាក់ងារសុខភាពសាធារណៈរបស់ប្រទេសកាណាដា និងដែលអាជ្ញាបណ្ណផលិតថ្នំាវ៉ាក់សំាងនោះត្រូវបានតម្កល់ដោយមន្ទីរពិសោធន៍អាមរិកំាង Merck និង NewLink Genetics Corp។ ក៏ប៉ុន្តែ ការសាកល្បងដែលទទួលបានជោគជ័យនៅពេលនេះ ក៏ដោយសារតែមានកិច្ចសហប្រតិបត្តិការជាលក្ខណៈអន្តរជាតិដែលចូលរួមដោយអង្គការសុខភាពពិភពលោក OMS និងក្រុមអ្នកជំនាញមកពីប្រទេសន័រវែស បារំាង ស្វីស សហរដ្ឋអាមេរិក អង់គ្លេស និងប្រទេសហ្គីណេ។
លោករដ្ឋមន្រ្តីការបរទេសន័រវែសបានគូសបញ្ជាក់ថា ប្រសិនបើលទ្ធផលនៃការសាកល្បងលើកដំបូងនេះពិតជាត្រឹមត្រូវមែន នោះថ្នាំវ៉ាក់សំាងថ្មីនេះនឹងអាចក្លាយជាថ្នំាទិព្វក្នុងការប្រឆំាងនឹងមេរោគអេបូឡា ក៏ដូចជាទប់ស្កាត់ការឆ្លងរាតត្បាតជម្ងឺមួយនេះនៅទូទំាងពិភពលោក។ គួររម្លឹកជូនឡើងវិញថា តំាងពីមេរោគអេបូឡាមានវត្តមាននៅប្រទេសហ្គីណេក្នុងខែធ្នូ ឆ្នំា ២០១៣ មក មេរោគឆ្លងរាតត្បាតនៅអាហ្រ្វិកខាងលិចមួយនេះបានសម្លាប់មនុស្ស ១១ ២៧៩នាក់ក្នុងចំណោមអ្នកឈឺ ២៧ ៧៤៨នាក់។ គឺជាតួលេខមួយដែល OMS ទទួលស្គាល់ថា អាចមានច្រើនជាងនេះ។
សូមបញ្ជាក់ថា ក្រៅពីថ្នំាវ៉ាក់សំាង VSV-ZEBOV នៅមានថ្នំាវ៉ាក់សំាងប្រឆំាងអេបូឡាមួយទៀតដែលអភិវឌ្ឍន៍ដោយក្រុមអង់គ្លេសរួមសហការណ៍ជាមួយក្រុមហ៊ុនអាមេរិក និងដែលកំពុងធ្វើការសាកល្បងនៅក្នុងប្រទេសលីបេរីយ៉ា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ