ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 30/08 00h00 GMT
  • 06h00 - 07h00 GMT
    កម្មវិធីព័ត៌មាន 30/08 06h00 GMT
  • 12h00 - 13h00 GMT
    កម្មវិធីព័ត៌មាន 30/08 12h00 GMT
Europe

នាយករដ្ឋមន្ត្រី​ស្កុតលែនដ៍ ​ព្យាយាម​ទៅជួប​ថ្នាក់ដឹកនាំ​អឺរ៉ុប ខណៈ​ដែល​​ជំនួប​កំពូល​មាន​តែ​២៧​ប្រទេស

media  
លោកស្រី Nicola Sturgeon នាយករដ្ឋមន្ត្រីស្កុតលែនដ៍ REUTERS/UK Parliament

ជំនួប​កំពូល​អឺរ៉ុប ​កំពុងតែ​ប្រព្រឹតិ្តធ្វើ​ឡើង​នៅ​ក្នុង​ទីក្រុង​ព្រុយសែល ​ ដើម្បី​ដោះស្រាយ​បញ្ហា​អង់គ្លេស​ ដែល​កំពុង​តែ​អង្រួន​សហភាព​អឺរ៉ុប។ នេះ​ជា​លើក​ដំបូង​ហើយ ​ដែល​ជំនួប​កំពូល​អឺរ៉ុប ​ប្រព្រឹត្តិ​ធ្វើ​ទៅ​តែ​ក្នុង​ចំណោម​សមាជិក​២៧​ប្រទេស ​ដោយ​គ្មាន​អង់គ្លេស​ចូលរួម​ទេ ​ បើ​ទោះ​បី​ជា​ប្រទេស​នេះ​ នៅ​ពុំទាន់​បាន​ចាប់​ផ្តើម​នីតិវិធី​ផ្តាច់ខ្លួន ​ ​ជា​ស្ថាពរ​ក៏ដោយ។​ ដោយឡែក ​លោកស្រី​នាយករដ្ឋមន្ត្រី​ស្កុតលែនដ៍​ បាន​អញ្ជើញ​មក​ជួប​ថ្នាក់​ដឹកនាំ​អឺរ៉ុប ​ក្នុង​ឱកាស​កិច្ច​ប្រជុំ​នេះ ​ដើម្បី​បញ្ជាក់​ថា ​តំបន់​ស្កុតលែនដ៍ ​នៅតែ​ចង់​ស្ថិត​នៅ​ក្នុង​មហា​គ្រួសារ​អឺរ៉ុប​តទៅ​ទៀត។

កាលពី​ថ្ងៃ​អង្គារ ​ម្សិលមិញ ​ លោក​ដាវីដ ខាមឺរ៉ុន​ នាយករដ្ឋមន្ត្រី​ចក្រភព​អង់គ្លេស ​បាន​បញ្ជាក់​នៅ​ចំពោះ​មុខ​សមាជិក​សហភាព​អឺរ៉ុប​ថា ​ លោក​មិន​ស្តាយ​ក្រោយ​ទេ ​ដែល​បាន​រៀបចំ​ឲ្យ​មាន​ប្រជាមតិ​ បើ​ទោះ​បី​ជា​លទ្ធផល​ មិនបាន​ដូច​អ្វី​ដែល​លោក​រំពឹង​ទុក​ក៏ដោយ។ លោក​នៅ​តែ​អះអាង​ដដែល​ថា ​លោក​នឹង​ទុក​តួនាទី​ធ្វើ​នីតិវិធី​ផ្តាច់ខ្លួន​ចេញ​ពី​សហភាព​អឺរ៉ុប​ ទៅឲ្យ​នាយករដ្ឋមន្ត្រី​ថ្មី​របស់​ចក្រភព​អង់គ្លេស ​ជា​អ្នក​ចាត់ចែង។

 
សមាជិក​ទាំង​២៧ ​នៃ​សហភាព​អឺរ៉ុប​ បាន​មូល​មតិគ្នា ​ថា​នឹង​ទុក​ពេល​បន្តិច​សម្រាប់​អង់គ្លេស ​មុន​នឹង​ចាប់នីតិវិធី​នេះ។ តែ​យ៉ាងណា​ក៏​ដោយ ​ថ្នាក់​ដឹកនាំ​អឺរ៉ុប​ បាន​បញ្ជាក់​ថា ​ពេល​បន្តិច​ តែ​មិនមែន​រាប់ខែ ​ហើយ​ទុកឲ្យ​សហភាព​អឺរ៉ុប​ទាំងមូល​ត្រូវ​កកស្ទះ ​ដោយសារ​តែ​អង់គ្លេស​ម្នាក់ឯង​នោះទេ។
 
នៅថ្ងៃ​ពុធនេះ​ ជំនួប​កំពូល​សមាជិក​សហភាព​អឺរ៉ុប​ បាន​បន្ត​ធ្វើ​ តែ​មាន​តែ​ថ្នាក់ដឹកនាំ​ប្រទេស ​តែ​២៧​ប៉ុណ្ណោះ។  លោក Charles Michel  ​នាយករដ្ឋមន្ត្រី​ប៊ែលហ្ស៊ិក ​បាន​មាន​ប្រសាសន៍​ថា ​កិច្ច​ប្រជុំ​នេះ ​ មាន​សារៈសំខាន់​ណាស់​ ព្រោះ​មេដឹកនាំ​សមាជិក​អឺរ៉ុប​ទាំងអស់​ ត្រូវ​យក​ឱកាស​នេះ ​ដើម្បី​ផ្តល់​សញ្ញា​វិជ្ជមាន​ ក្នុង​ការ​សាមគ្គីគ្នា ​ ក្នុងការ​ផ្តល់​សន្ទុះ​ថ្មី ​ដើម្បី​កសាង​អឺរ៉ុប​ ​ឲ្យទៅ​មុខ​ទៀត ​បើ​ទោះ​បី​អឺរ៉ុប ​បាត់បង់​សមាជិក​ម្នាក់​ក៏ដោយ។
 
ដោយឡែក ​លោកស្រី ​Nicola Sturgeon ​នាយករដ្ឋមន្ត្រី​នៃ​តំបន់​ស្កុតលែនដ៍ ​បាន​អញ្ជើញ​មក​ដល់​ទីក្រុង​ព្រុចសែល​ផងដែរ ​ដើម្បី​ជួប​ជាមួយ​និង​លោក​ប្រធាន​សភា​អឺរ៉ុប ​ព្រមទាំង ​លោក​ប្រធាន​គណកម្មការអឺរ៉ុប។ នេះ​ជា​ជំនួប​ដោយ​មិន​បាន​ព្រាង​ទុកមុន​ទេ ​ តែ​ត្រូវ​បាន​រដ្ឋាភិបាល​ស្កុតលែនដ៍​ទទូច ​សុំជួប ​ដើម្បី​បញ្ជាក់​ពី​ឆន្ទៈ​ពិត​ប្រាកដ​របស់​ស្កុតលែនដ៍។
 
លោកស្រី​នាយករដ្ឋមន្ត្រី​ស្កុតលែនដ៍ ​ធ្លាប់​បាន​បញ្ជាក់​ថា ​ លោកស្រី​បាន​ប្តេជ្ញាចិត្ត ​ដើម្បី​ធ្វើ​យ៉ាងណា ​ថែ​រក្សា​ទំនាក់ទំនង​ រវាង​តំបន់​ស្កុតលែនដ៍​ និង​សហភាព​អឺរ៉ុប​ ឲ្យបាន​ បើ​ក្នុង​ករណី​ចក្រភព​អង់គ្លេស​សម្រេច​ដើរចេញ​ពី​អឺរ៉ុប។ ស្កុតលែនដ៍ ​ត្រូវការ​បន្ត​នៅ​ក្នុង​គ្រួសារ​អឺរ៉ុប​តទៅទៀត។ គេត្រូវ​តែ​ស្តាប់​បំណង​របស់​ប្រជាន​ស្កុតលែនដ៍។
 
សូម​បញ្ជាក់​ថា ​ស្កុតលែន ​គឺ​ជា​រដ្ឋ​ស្វ័យត័​មួយ ​ក្នុង​ចំណោម​រដ្ឋ​ស្វ័យ័ត​ទាំង៤ ​នៃ​ចក្រភព​អង់គ្លេស។ លទ្ធផល​បោះឆ្នោត​ប្រជាមតិ​កាល​ពី​ថ្ងៃ​ទី​២៣ ​មិថុនា​បាន​បង្ហាញ​ថា ​ប្រជាជន​ស្កុតលែនដ៍​ចំនួន​ ៦២% ​បាន​បោះឆ្នោត​គាំទ្រ​បន្ត​រួមរស់​ក្នុង​សហភាព​អឺរ៉ុប​តទៅទៀត។ ដោយឡែក​យោង​តាម​ការ​ធ្វើ​ស្ថិតិ​របស់​សារព័ត៌មាន ​Sunday Times ​បាន​បង្ហាញ​ថា​ ប្រជាជន​ស្កុតលែនដ៍​ចំនួន​៥២% ​គាំទ្រ​ឲ្យ​តំបន់​ស្កុតលែនដ៍​ ផ្តាច់​ខ្លួន​ចេញ​ពី​ចក្រភព​អង់គ្លេស ​ហើយ​ចូល​ជា​សមាជិក​ពេញសិទ្ធិ​របស់​សហភាព​អឺរ៉ុប៕

 

ទាក់ទង​នឹង​ប្រធានបទ​នេះ
 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ