ការប្រកួតបាល់ទាត់ពានរង្វាន់អឺរ៉ុបឆ្នាំ២០១៦នៅបារាំង
ចាប់ពីថ្ងៃទី១០មិថុនា ដល់ថ្ងៃទី១០កក្កដា ឆ្នាំ២០១៦នេះ បារាំងធ្វើជាម្ចាស់ផ្ទះរៀបចំការប្រកួតកីឡាបាល់ទាត់ ដណ្តើមពានរង្វាន់អឺរ៉ុប (Euro2016)។ ក្រុមជម្រើសជាតិមកពីប្រទេសចំនួន ២៤ នឹងធ្វើការប្រកួតប្រជែងគ្នា នៅតាមបណ្តាកីឡាដ្ឋាន ក្នុងទីក្រុងធំៗចំនួន ១០ នៅទូទាំងប្រទេសបារាំង។ ការប្រកួតនេះធ្វើឡើង នៅក្នុងបរិបទដ៏សែនតានតឹងខាងផ្នែកសន្តិសុខ ដោយសារតែមានការគំរាមកំហែងភេរវកម្ម ក៏ដូចជាខាងផ្នែកសង្គម ដោយសារតែមានចលនាបាតុកម្ម និងកូដកម្ម ប្រឆាំងនឹងច្បាប់ការងារថ្មីរបស់បារាំង។
