ម៉ូស្គូមិនសង្ឃឹមឡើយថាបស្ចិមលោកឆាប់លុបទណ្ឌកម្មប្រឆាំងនឹងរុស្ស៊ី
” រុស្ស៊ីត្រូវតែបោះបង់ទៅការនឹកស្មានថាអាចនឹងលុបទៅវិញក្នុងពេលឆាប់ៗ ខាងមុខទណ្ឌកម្មទល់នឹងខ្លួនដាក់ដោយបស្ចិមលោកក្រោមបទចោទប្រកាន់ថា ម៉ូស្គូពាក់ព័ន្ធក្នុងជម្លោះនៅអ៊ុយក្រែនហើយបន្ទាប់មកភ្ជាប់យកទឹកដីគ្រីមេដោយផ្តាច់វាចេញពីអ៊ុយក្រែន កាលពីឆ្នាំ ២០១៤” -សេចក្តីនេះប្រកាស នារសៀលថ្ងៃអាទិត្យម្សិលមិញ ដោយលោកនាយករដ្ឋមន្ត្រីឌ្មីទ្រីមេដវេដេវជាមនុស្សទី២នៅរុស្ស៊ី។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
“ ប្រាកដណាស់ដែលទណ្ឌកម្មនេះ នឹងពន្យារទៅយ៉ាងយូរ “-លោកប្រមុខរដ្ឋាភិបាល រុស្ស៊ីឌ្មីទ្រី មេដវេដេវ បានថ្លែងថ្ងៃ ២២មករាក្នុងសម័យប្រជុំនៃបក្សកាន់អំណាច
“ ប្រទេសរុស្ស៊ីរួមធ្លុងមួយដែលមានរូបគាត់ជាប្រធានបក្សនេះនឹងដែលឧទ្ទិសដល់វិស័យកសិកម្មជាតិ។
ថ្លែងទៅបណ្តាសមាជិកបក្ស លោកមេដវេដេវ មានប្រសាសន៍ ៖ សូមអស់លោកកុំសង្ឃឹមអី លើនរណាដែលជាប់ឆ្នោត ឫ លើពួកអ្នកដឹកនាំថ្មីៗនៅបរទេសដែលចូលកាន់តំណែងខ្លួន។ សំដីនេះរបស់គាត់ ទំនងជាពាក្យបញ្ឆៀងឥតលាក់បាំង ដៅទៅលើរូបលោកដូណាល់ ត្រាំ។
ចំណែកអ្នកនាំពាក្យវិមានក្រេមឡាំង លោក ឌ្មីទ្រី ពេស្កូវ ក្នុងសម្ភាសន៍ទៅប្រព័ន្ធផ្សព្វផ្សាយអង់គ្លេស BBC ថ្ងៃសៅរ៏ម្សិលម៉្ងៃបានបង្ហើបឲ្យដឹងថា៖ លោកប្រធានាធិបតីរុស្ស៊ី វ៉្លាឌីមៀរ ពូទីន ត្រៀមជួបជាមួយសមភាគីអាមេរិកាំងតែម្តងគឺ លោកដូណាល់ត្រាំ។ ប៉ុន្តែ ដើម្បីឲ្យជំនួបបែបនេះ ប្រព្រឹត្តទៅកើត គឺត្រូវការពេលមិនមែនរាប់សប្តាហ៏ទេ តែគឺរាប់ខែឯណោះសម្រាប់រៀបចំវា។
គួរនិយាយថា លោកពូទីននិងក្រុមមន្ត្រីដែលជំនិតនឹងគាត់ធ្លាប់បានកោតសរសើរ លោក ដូណាល់ ត្រាំជាច្រើនលើក ដោយសង្ឃឹមថា ប្រធានាធិបតីថ្មីនេះនឹងខ័ណ្ឌបញ្ចប់ទណ្ឌកម្ម ដាក់ដោយរដ្ឋបាលមុនរបស់អូបាម៉ាទល់នឹងប្រទេសរុស្ស៊ីក៏ដូចជាទល់នឹងឥស្សរជនរុស្ស៊ីនានាដែលជាប់សង្ស័យក្នុងការផ្លុំបញ្ឆេះជម្លោះនៅតំបន់បះបោររុស្ស៊ីនិយមប៉ែកខាងកើតអ៊ុយក្រែន។
ក្នុងសម្ភាសន៍ទៅ BBC នោះ អ្នកនាំពាក្យវិមានក្រេមឡាំង បានក្រើនរំលឹកកុំឲ្យសង្ឃឹមឥត ប្រយោជន៍អី ថាទំនាក់ទំនងរុស្ស៊ី-អាមេរិក អាចគេចផុតពីបដិវាទកម្មនិងទំនាស់។ តាមសំដីគាត់សហព័ន្ធរុស្ស៊ីនិងសរអា ជាប្រជាជាតិពីរធំជាងគេក្នុងលោកដែលមិនអាចរស់នៅដោយគ្មានការមួហ្មងនឹងគ្នាឬដោយគ្មាន ការប៉ះទង្គិចផលប្រយោជន៍គ្នា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ