លទ្ធផលនៃកិច្ចចរចារវាងភាគីបដិបក្ខស៊ីរីអស់ពីរថ្ងៃនៅរដ្ឋធានីកាហ្សាក់ស្ថាន
ជាតុល្យាការនៃកិច្ចចរចារវាងភាគីបដិបក្ខស៊ីរីដែលបានចប់ទៅរសៀលម្សិលមិញនៅក្រុងអាស្តាណារដ្ឋធានីកាហ្សាក់ស្ថានបីប្រទេសដែលបានចាត់ចែងជំនួបនេះពោលគឺរុស្ស៊ី តួកគីអ៊ីរ៉ង់ ក្នុងឋានៈជាអ្នកធានាដល់របបឈប់បាញ់នៅស៊ីរីបានចេញសេចក្តីថ្លែងការណ៍រួមបង្កើតឡើងជាយន្តការត្រីភាគីសម្រាប់ឃ្លាំមើលការបំពេញតាមបទឈប់បាញ់នេះនិងបញ្ចៀសកុំឲ្យមានអំពើបង្កហេតុពីខាងភាគីដែលជាប់ក្នុងជម្លោះនៅស៊ីរី។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៣
សេចក្តីថ្លែងការណ៍ត្រីភាគីនោះបាន”បញ្ជាក់ពីការគាំទ្រដល់អធិបតេយ្យភាពនិងបូរណភាពដែនដីសាធារណរដ្ឋអារ៉ាបស៊ីរីក្នុងឋានៈជាប្រទេសពហុជាតិពន្ធុនិងពហុសាសនា។
ដោយសន្និដ្ឋានពីកិច្ចចរចាថ្ងៃចន្ទនិងថ្ងៃអង្គារកន្លងទៅក្រុងម៉ូស្គូ តេហេរ៉ង់និងអង់ការ៉ា ក៏បានថ្លែងគាំទ្រដល់ឆន្ទៈនៃបណ្តាក្រុមឧទ្ទាមប្រដាប់អាវុធខាងភាគីប្រឆាំងស៊ីរីចូលរួមក្នុងកិច្ចចរចាវគ្គថ្មីដែលនឹងបើកនៅក្រុងហ្ស៊ឺណែវថ្ងៃ៨កុម្ភៈខាងមុខ។
ពួកគេបានទាមទារឲ្យអនុវត្តសេចក្តីសម្រេចលេខ២២៥៤ ចេញដោយក្រុមប្រឹក្សាសន្តិសុខ អ.ស.ប. ដែលប្រមើលជាអាទ៌នូវការបង្កើតក្នុង៦ខែចំពោះមុខជារដ្ឋាភិបាលអន្តរកាលនៅស៊ីរីរួចបន្ទាប់មកក្នុង១៨ខែចាត់ចែងឲ្យប្រព្រឹត្តទៅការបោះឆ្នោតសេរីក្រោមការត្រួតពិនិត្យរបស់ អ.ស.ប.។
បើប្រមុខគណៈប្រតិភូរបស់ក្រុងដាម៉ាសលោក Bachar Dja’afari បាននិយាយអំពី” ជោគជ័យ“ ហើយសោមនស្សនឹងសេចក្តីថ្លែងការណ៍រួមជាតុល្យាការនោះលោក Mohamed Alloucheដែលជាប្រមុខគណៈប្រតិភូពួកឧទ្ទាមនៅស្រគត់ស្រគំទេតើ។ តាមសំដីគាត់គាត់គាំទ្រដល់ដំណោះស្រាយនយោបាយនាកិច្ចចរចាថ្ងៃមុខដែលចាត់ចែងឡើង ដោយ អ.ស.ប. នៅក្រុង ហ្ស៊ឺណែវសំដៅទៅដករូបលោក Bachar al Assad ចេញពីអំណាច។
លោក Mohamed Allouche ក៏ប្រាប់ឲ្យដឹងថាគាត់បានបញ្ជូនមកឲ្យរុស្ស៊ីទៅហើយ នូវសំណើស្តីអំពីការឈប់បាញ់ជាទូទៅហើយនៅរង់ចាំចម្លើយពីម៉ូស្គូ ក្នុង១សប្តាហ៏ទៅមុខ។ថ្លែងទៅពួក អ្នកកាសែតក្រោយពីចប់ទៅកិច្ចចរចានៅក្រុង អស្តាណា គាត់លំអិតថា រុស្ស៊ី មានលក្ខន្តិកៈ ជាភាគីចូលរួមក្នុងជម្លោះនៅស៊ីរីហើយចាប់ពីអំណើះតទៅជាភាគីធានា ប៉ុន្តែរមែងប៉ះទង្គិចនឹងឧបសគ្គបង្កើតឡើងដោយក្រុម Chiite Hezbollah ដោយអ៊ីរ៉ង់និងដោយក្រុងដាម៉ាសផ្ទាល់។ ម៉្លោះហើយបានជាពួកឧទ្ទាមមិនយល់ព្រមឲ្យអ៊ីរ៉ង់ មានមតិអ្វីណាឡើយចំពោះអនាគតស៊ីរី។
គួរនិយាយថា មុនដល់ក្រុងហ្ស៊ឺណែវ ភាគីប្រឆាំងស៊ីរីដែលបានចូលរួមក្នុងជំនួបនៅក្រុង អាស្តាណាត្រូវបានលោករដ្ឋមន្ត្រីការបរទេសរុស្ស៊ីស៊ែរហ្គៃ ឡាវ្រ៉ូវ អញ្ជើញឲ្យមកកាន់ក្រុងម៉ូស្គូនៅថ្ងៃសុក្រ២៧មករាខាងមុខ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ