ថ្នាក់ដឹកនាំបរទេសប្រតិកម្មបន្ទាប់ពីអំពើភេរវកម្មនៅលើរុក្ខវិថី Champs-Elysées ក្នុងទីក្រុងប៉ារីស
សហគមន៍អន្តរជាតិសម្តែងក្តីរន្ធត់ចិត្តបន្ទាប់ពីមានអំពើភេរវកម្មបាញ់ប្រហារមួយកាលពីយប់ថ្ងៃព្រហស្បតិ៍ ២០មេសានៅលើរុក្ខវិថី Chmps-Elysées ក្នុងកណ្តាលទីក្រុងប៉ារីស។ អំពើភេរវកម្មដែលអង្គការរដ្ឋអ៊ីស្លាម ប្រកាសថាជាស្នាដៃរបស់ក្រុមខ្លួននឹងដែលបណ្តាលឲ្យស្លាប់ប៉ូលីសបារាំងម្នាក់នៅនាឱកាសនោះ។ នៅក្នុងការវាយប្រហារនៅទីក្រុងប៉ារីសនេះ ថ្នាក់ដឹកនាំបរទេស បានបញ្ចេញប្រតិកម្មភ្លាមភ្លែតហើយមុនគេគឺប្រធានាធិបតីអាមេរិកលោក Donald Trump។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៥
នៅក្នុង”សារចូលរួមមរណៈទុក្ខជាមួយពលរដ្ឋបារាំងនាឱកាសសន្និសីទរួមគ្នាមួយជាមួយនាយករដ្ឋមន្ត្រីអ៊ីតាលីលោក Paolo Gentiloni ប្រធានាធិបតីអាមេរិកលោក Donald Trump បានចាត់ទុកការវាយប្រហារនៅលើរក្ខវិថី Chmps-Elysées កាលពីយប់ថ្ងៃព្រហស្បតិ៍២០មេសាម្សិលមិញថាជាការវាយប្រហារភេរវកម្ម ហើយយោងតាមយោបល់លោក Trump ហេតុការណ៍នេះនឹងមិនងាយចប់ឡើយ។ ប្រធានាធិបតីអាមរិក ថែមទាំងបានអំពាវនាវផងដែរថា“យើងត្រូវតែមានភាពរឹងមាំនិងប្រុងប្រយ័ត្នជានិច្ចដូចដែលលោកតែងតែបានលើកឡើងតាំងពីយូរពេលមកហើយ។
ចំណែកនាយករដ្ឋមន្ត្រីអ៊ីតាលីលោក Paolo Gentiloni វិញក៏បានចូលរួមការរំលែកទុក្ខជាមួយពលរដ្ឋបារាំងដែរដោយបានកត់សម្គាល់ថា ហេតុការណ៍នេះ បានកើតឡើងនៅខណៈពេលដ៏ពិបាកមួយដោយសារតែបារាំងត្រូវរៀបចំការបោះឆ្នោតប្រធានាធិបតីនៅជុំទីមួយដែលនៅបាំងតែ៣ថ្ងៃទៀតប៉ុណ្ណោះ។
ចំណែកប្រមុខរដ្ឋនៃបណ្តាប្រទេសអឺរ៉ុបផ្សេងៗទៀត ក៏បានសម្តែងរួមសាមគ្គីភាពជាមួយប្រទេសបារាំងដែរ ដូចករណីនាយករដ្ឋមន្ត្រីអាល្លឺម៉ង់ លោកស្រី Angela Merkel ដែលបានសំដែងការរំលែកទុក្ខព្រួយជាមួយនឹងលោក Hollande ប្រធានាធិបតីបារាំងដែរ។
ស្របគ្នានេះ អ្នកនាំពាក្យរបស់នាយករដ្ឋមន្ត្រីអាល្លឺម៉ង់ លោក Steffen Seibert តាមរយៈប្រព័ន្ធ Twitter បានគួសបញ្ជាក់អំពីទឹកចិត្តអាណិតអាសូររបស់លោក ចំពោះជនរងគ្រោះនិងក្រុមគ្រួសាររបស់គេ។
តែនៅមុននេះបន្តិច រដ្ឋមន្ត្រីការបរទេសអាល្លឺម៉ង់ ក៏បានរួមចំណែកដែរនៅក្នុងការគាំទ្ររបស់លោកចំពោះប្រទេសបារាំង តាមរយៈប្រព័ន្ធ Twitter មួយ ដោយ លោក បានកត់សម្គាល់ថា "ដំណឹងនៅប៉ារីស គឺជាដំណឹងដ៏សែនរន្ធត់ ហើយ ប្រជាជនអាល្លឺម៉ង់ យំកើតទុក្ខចំពោះជនរងគ្រោះ ហើយ អាល្លឺម៉ង់ សន្យាថានឹងរក្សានូវភាពម៉ឺងម៉ាត់ជានិច្ចដោយប្តេជ្ញាចិត្តនៅជាប់ក្បែរនឹងប្រទេសបារាំងជានិច្ចដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ