ប៉ារីសនិងLos Angeles ចូលប្រលងវិញ្ញាសាចុងក្រោយ ដើម្បីJO២០២៤ ឬJO២០២៨ ?
តំណាងក្រុងប៉ារីស និង ឡូអង់ហ្សឺឡេស ត្រូវឆ្លងកាត់វិញ្ញាសាផ្ទាល់មាត់ ដែលជាវិញ្ញាសាចុងក្រោយ នៅចំពោះមុខគណៈកម្មាធិការអូឡាំពិកអន្តរជាតិ នៅថ្ងៃទី ១០ និង១១កក្កដា ២០១៧ មុនឈានដល់ការប្រកាសលទ្ធផលថាតើក្រុងមួយណានឹងក្លាយជាម្ចាស់ផ្ទះទទួលរៀបចំកីឡាអូឡាំពិកឆ្នាំ២០២៤។ ប៉ុន្តែនៅថ្ងៃនេះ គណៈកម្មាធិការអូឡាំពិកក៏នឹងត្រូវធ្វើការបោះឆ្នោតអនុម័តដែរថាក្រុងណាដែលចាញ់នៅក្នុងថ្ងៃប្រកាសលទ្ធផលថ្ងៃទី ១៣កញ្ញា២០១៧ ក្រុងនោះនឹងទទួលបន្ទុករៀបចំកីឡាអូឡាំងពិកនៅឆ្នាំ២០២៨។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤២
តើនឹងលែងមានពាក្យថាចាញ់ ឈ្នះហើយឬ នៅក្នុងសម័យប្រជុំរបស់ក្រុមប្រឹក្សាគណៈកម្មាធិការអូឡាំពិកអន្តរជាតិលើកទី១៣០ នៅទីក្រុងលីម៉ា ប្រទេសប៉េរ៉ូ ?! ចម្លើយនឹងត្រូវដឹងនៅថ្ងៃនេះ តាមរយៈការបោះឆ្នោតសម្រេចរបស់គណៈកម្មាធិការអូឡាំពិកអន្តរ ថា នៅថ្ងៃទី ១៣កញ្ញា ២០១៧ នឹងក្លាយជាសម្រេចប្រគល់ភារកិច្ចជាអ្នករៀបចំកីឡាអូឡាំពិកឆ្នាំ២០២៤ផង និង២០២៨។
គោលការណ៍ប្រកាសលទ្ធផលពីរក្នុងពេលតែមួយ ជាគំនិតផ្តួចផ្តើមរបស់ប្រធានគណៈកម្មាធិការអូឡាំពិកអន្តរជាតិ ហើយត្រូវធ្វើការអនុម័តដោយប្រតិភូនៅថ្ងៃទី ១១កក្កដានេះ។ ការសម្រេចបែបនេះ គឺមកពីប៉ារីស និងឡូអង់ហ្សឺឡេស ជាក្រុងបេក្ខភាពល្អខ្លាំងដែលមិនគួរមើលរំលង។ ម្យ៉ាងទៀត ដោយហេតុតែត្រូវចំណាយធំពេក មានក្រុងតិចណាស់ដែលចាប់អារម្មណ៍ចង់ទទួលរៀបចំកីឡាអូឡាំពិកនេះ។ កាលពីឆ្នាំ២០០៥ គេរាប់ឃើញមានក្រុងដល់ទៅ៥ចង់ធ្វើម្ចាស់កម្មវិធីឆ្នាំ២០១២ ឯនៅឆ្នាំនោះគឺមានតែបារាំងនិងឡូអង់ហ្សឺឡេសតែពីរគត់។
ជាសន្សំបេក្ខភាពផង ការប្រកាសលទ្ធផលទ្វេ ធ្លាប់មានធ្វើម្តងជាលើកទីមួយ កាលពីឆ្នាំ១៩២១ ដែលកាលណោះប៉ារីសជាឈ្នះសម្រាប់ទទួលរៀបចំកីឡាអូឡាំពិក JO១៩២៤ និងក្រុងអាំស្ទែរដាំ សម្រាប់JO១៩២៨។
ជិតមួយទសវត្សរ៍ក្រោយ ប៉ារីសបានបង្ហាញបេក្ខភាពជាថ្មី ជាមួយនឹងការគាំទ្រខ្លាំងពីសំណាក់កីឡាករ កីឡាការិនី អត្តពលកម្មជាតិអន្តរជាតិជាច្រើន។ ជាងនេះទៅទៀត លោកប្រធានាធិបតី អេម៉ាណុយអែល ម៉ាក្រុង ក៏បានបង្ហាញវត្តមានផ្ទាល់នៅចំពោះមុខគណៈកម្មាធិការអូឡាំពិក ដើម្បីផ្តល់ទម្ងន់នយោបាយដល់ប៉ារីស។
ប្រសិនបើគណៈកម្មាធិការអូឡាំពិកអន្តរជាតិពិតជាអនុម័តយកការប្រកាសលទ្ធផលទ្វេមែន នោះប៉ារីសពិតជាមានសង្ឃឹមច្រើនខ្លាំង សម្រាប់JO ២០២៤។ នៅក្នុងវិញ្ញាសាផ្ទាល់មាត់ចុងក្រោយម្សិលមិញ ប៉ារីសបានរំលឹកប្រាប់គណៈកម្មាធិការថាមិនសូវចាប់អារម្មណ៍បេក្ខភាពឆ្នាំ២០២៨ ដូចឡូអង់ហ្សឺឡេសទេ។ គណៈកម្មាធិការអូឡាំពិកវិញ ក៏មានពាក្យរំលឹកលើកទឹកចិត្តដែរថា ក្រុងទទួលរៀបចំJO២០២៨ នឹងទទួលបានប្រាក់កញ្ចប់ថវិកាច្រើនជាងJO២០២៤៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ