នៅរុស្ស៊ី មេប្រឆាំងទើបចេញពីគុក ជាលើកទី៣ទៅហើយ គ្រាន់តែក្នុងឆ្នាំ ២០១៧ នេះ
មេប្រឆាំងនៅរុស្ស៊ី ឈ្មោះ Alexei Navalny បានប្រកាសថ្ងៃអាទិត្យម្សិលមិញថា ទើបត្រួវ បានដោះលែងចេញពីមន្ទីរឃុំឃាំង នៃពន្ធនាគារម៉ូស្គូ ក្រោយពីបានជាប់នៅទីនោះ អស់២០ថ្ងៃ ចំពោះ ការចាត់ចែងបាតុកម្មប្រឆាំងនឹង លោកប្រធានាធិបតី វ៉្លាឌីមៀរ ពូទីន ដោយគ្មានសេចក្តីអនុញ្ញាត ពីខាង សាលាក្រុង។
ចុះផ្សាយនៅថ្ងៃ៖ កែប្រែថ្ងៃទី៖
“សូមជម្រាបរលឹកទាំងអស់គ្នា! ខ្ញុំទើបចេញពីពន្ធនាគារ” -លោក Alexei Navalny សរសេរលើ Instagram ដោយបង្ហោះរូបថតគាត់នៅលើវិថី បង្ហាញទៅផង។ ប៉ូលីសបានចាត់ចែង ការប្រគល់សរីភាព ជូនគាត់វិញ ដើម្បីបញ្ចៀសឲ្យផុតពីក្រសែភ្នែកក្រុមពួកអ្នកកាសែត ដែលនាំគ្នាចាំស្វាគមរួបគាត់ នៅពីមុខ មន្ទីរឃុំឃាំងនោះឯង។
លោក Navalny ដែលបានប្រកាសអំពីចេតនាគាត់ ក្លាយជាបេក្ខជនចូលប្រឡូកក្នុងការបោះឆ្នោត ប្រធានាធិបតី នៅខែមិនាឆ្នាំក្រោយ បានបន្ថែមថា គាត់” ត្រៀមខ្លួនធ្វើការងារនេះ”ហើយក្នុងន័យនេះ ដោយ ឥតបង្អែបង្អង់ឡើយ គាត់ទៅកាន់ក្រុង Astrakhan នៅចម្ងាយប្រមាណ១.៤០០ គម និរតីពីម៉ូស្គូ ដើម្បី ចូលរួមល្ងាចមិញតែម្តង ក្នុងបាតុកម្ម ដែលបានទទួលភ្លើងខៀវពី អាជ្ញាធរនៅផ្ទាល់កន្លែង។ ក្នុងមីទ្ទិញ នៅទីនោះ គាត់ថ្លែងថា ៖ ទាំងអស់គ្នាសុទ្ធតែមានសិទ្ទិ ចូលប្រកួតក្នុងការបោះឆ្នោតថ្ងៃមុខ។ ហើយគាត់ បានរាយឈ្មោះអ្នកដែលអាចក្លាយជាគូប្រជែងនឹងលោកពូទីន បូកទាំងរូបគាត់ផង ទាំងលំអិតថា បេក្ខជន ខ្លះ គាត់ពេញចិត្ត ខ្លះទៀត គាត់មិនសូវចូលចិត្តទេ។
ក្នុងសាររបស់ខ្លួនអ្នកច្បាប់នេះអាយុ៤១ឆ្នាំ ដែលល្បីខាងប្រយុទ្ធនឹង អំពើពុករលួយក្នុងមជ្ឈដ្ឋានអំណាច ថ្នា់ក់លើ បានបង្ហើបឲ្យដឹងទាំងកំប្លែងថា ថា ពេលជាប់ក្នុងការឃុំឃាំង២០ថ្ងៃនោះ គាត់បាន អានសៀវភៅ អស់ ២០ក្បាល បានរៀនពាក្យកៀរហ្ស៊ីសខ្លះ និងបាន ផឹកតែអស់ ៨០ លីត្រ។
ម្សិលមិញ ដោយឧទ្ទិសដល់ការចេញពីគុក នៃលោក Navalny បក្សពួកគាត់ បានចងផ្ទាំងបដានៅនឹង ស្ពាន ក្បែរវិមានក្រេមឡាំង ដែលប្រកាសថា ៖ មកដល់ហើយពេលដែលត្រូវរលាស់ខ្លួនចេញពីរូបពូទីន និង មកដល់ហើយពេលដែលត្រូវបោះឆ្នោតឲ្យលោក Navalny ជាប់ជាប្រធានាធិបតី ។
គិតតាំងពីដើមឆ្នាំ ២០១៧ មក មេប្រឆាំងរូបនេះបានជាប់គុក ៣លើកទៅហើយ លើកទី១ -១៥ថ្ងៃ , លើកទី២ - ២៥ថ្ងៃ ហើយលើកទី៣-២០ថ្ងៃ ចំពោះការចាត់ចែងបាតុកម្មគ្មានសេចក្តីអនុញ្ញាត ប្រឆាំងនឹង លោក ពូទីន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ