លោកអេម៉ានុយអែល ម៉ាក្រុង៖បុព្វហេតុនៃអាណត្តិ ៥ឆ្នាំរបស់ខ្ញុំ គឺសមភាពរវាងបុរស និងស្រ្តី
នៅក្នុងឱកាសទិវាអន្តរជាតិប្រឆាំងអំពើហិង្សាលើស្រ្តីភេទថ្ងៃទី២៥ វិច្ឆិកា លោកប្រធានាធិបតីបារាំងអេម៉ានុយអែល ម៉ាក្រុងបានថ្លែងថា បុព្វហេតុនៃអាណត្តិ ៥ឆ្នាំរបស់លោក គឺសមភាពរវាងបុរស និងស្រ្តី។ នៅក្នុងន័យនេះ លោកម៉ាក្រុងបានដំឡើងថវិការហូតដល់ទៅ ៤២០លានដុល្លារសម្រាប់ឆ្នាំ ២០១៨ ខាងមុខ។ ទាក់ទងនឹងយុទ្ធនាការប្រឆាំងនឹងអំពើហិង្សាលើស្រ្តីភេទ ពិសេសហិង្សាផ្លូវភេទ លោកប្រមុខរដ្ឋបារាំងបានប្រកាសដំឡើងថវិកាចំនួន ១៣% ចាប់ពីឆ្នាំ ២០១៨ ព្រមទាំងដាក់ចេញនូវវិធានការមួយចំនួន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០៥
« ខ្ញុំបានប្តេជ្ញាចិត្តដើម្បីធ្វើយ៉ាងណាឲ្យបុព្វហេតុនៃអាណត្តិ ៥ឆ្នាំរបស់ខ្ញុំជាបុព្វហេតុនៃសមភាពរវាងបុរស និងស្រ្តី។ ហើយវិធានការទី១ នៃបុព្វហេតុនេះ គឺគ្មានអ្វីក្រៅពីយុទ្ធនាការលុបបំបាត់ចោលទាំងស្រុងនូវអំពើហិង្សាលើស្រ្តីភេទនោះទេ។
ដើម្បីអាចអនុវត្តន៍ឲ្យបានជោគជ័យ និងមានប្រសិទ្ធិភាពនូវវិធានការមួយនេះបាន យើងត្រូវតែមានលទ្ធភាព និងមធ្យោបាយគ្រប់គ្រាន់។ នៅក្នុងន័យនេះ ថវិកាដែលនឹងត្រូវផ្តល់ឲ្យរដ្ឋលេខាធិការទទួលបន្ទុកសមភាពរវាងបុរស និងស្រ្តីនឹងមានកើនឡើងសម្រាប់ឆ្នាំ ២០១៨ ខាងមុខដែលជាកំណើនដ៏ខ្ពស់មួយមិនធ្លាប់មានមកដល់ពេលសព្វថ្ងៃ។
នៅក្នុងថវិកានេះ ខ្ទង់ចំណាយដែលគ្រោងចាយវាយនៅក្នុងយុទ្ធនាការប្រយុទ្ធប្រឆាំងនឹងអំពើហិង្សាលើស្រ្តីភេទមានការកើនឡើងចំនួន ១៣% រួចជាស្រេច។ ហើយខ្ទង់ចំណាយនេះនឹងបន្តថេរនៅពេញមួយអាណត្តិ ៥ឆ្នាំ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ