សារធាតុប្រើសម្រាប់បំពុលលោក Sergueï Skripal ត្រូវបានគេលួចដាក់នៅក្នុងវ៉ាលីសកូនស្រីរបស់គាត់
សារធាតុបំពុលដែលប្រើសម្រាប់សម្លាប់អតីតភ្នាក់ងារចារកិច្ចរុស្សី Sergueï Skripal ប្រហែលជាត្រូវបានគេលួចដាក់នៅក្នុងវ៉ាលីសមួយរបស់នាងយូលីយ៉ាកូនស្រីរបស់គាត់នៅមុនពេលនាងចាកចេញពីទីក្រុងម៉ូស្គូ។ នេះជាការអះអាងរបស់ទិន្នានុប្បវត្តិអង់គ្លេសឈ្មោះ Telegraph នៅក្នុងថ្ងៃសុក្រទី១៦មីនា។ ទន្ទឹមនេះ ក្រុមប្រទេសសម្ព័ន្ធមិត្តរបស់អង់គ្លេស បាននាំគ្នាផ្តន្ទាទោសយ៉ាងម៉ឺងម៉ាត់លើទីក្រុងម៉ូស្គូ។ ក៏ប៉ន្តែនៅក្នុងមជ្ឈដ្ឋាននយោបាយអង់គ្លេសវិញ ភាពរារែកស្ទាក់ស្ទើររបស់លោក Jeremy Corbyn ដែលជាមេដឹកនាំបក្សពលករអង់គ្លេស បានបង្កឲ្យមានភាពចម្រូងចម្រាស់។
ចុះផ្សាយនៅថ្ងៃ៖ កែប្រែថ្ងៃទី៖
នាងយូលីយ៉ាស្ព្រីងប៉ាល បាននាំមកជាមួយនឹងរបររបស់នាងដោយឥតដឹងខ្លួននូវសារធាតុពុលដ៏កាចសហាវបំផុតដែលសម្រាប់បំផ្លាញប្រព័ន្ធប្រសាទSubstance neurotoxique។ សារធាតុនេះ ដែលត្រូវគេបំពុលទាំងរូបនាងក៏ព្រមទាំងឪពុកនាងកាលពីថ្ងៃទី៤មីនាមុន។
ព័ត៌មាននេះត្រូវបានទិន្នានុប្បវត្តិអង់គ្លេសមួយឈ្មោះ Daily Telegraph បានយកមកផ្សព្វផ្សាយមុនគេនៅលើទំព័រមុខរបស់ខ្លួន នៅខណៈពេលដែលប្រព័ន្ធផ្សព្វផ្សាយដទៃទៀតនៅពុំទាន់ហ៊ានផ្សព្វផ្សាយនៅឡើយទេព្រោះជាព័តមានចេញមកពីប្រភពក្រសួងស៊ើបការអង់គ្លេស។
យោងតាមទិន្នានុប្បវត្តិខាងលើ ចាប់ពីពេលនេះតទៅ គេសន្មត់ថា ពួកឃាតករប្រហែលជាបានដាក់ជ្រលក់សារធាតុបំពុលនេះ ជាមួយនឹងសំលៀកបំពាក់ឬក៏ជាមួយនឹងម្សៅលាបមុខមាត់ដែលជាកាដូនាំមកមកជាមួយនឹងប្រហែលជាលាក់នៅក្នុងវ៉ាលីសអីវ៉ាន់នៅក្រុងម៉ូស្គូ។ វ៉ាលីសដែលគេបើកមើលម្តងគត់នៅក្រុង Salisbury ក្នុងលំនៅដ្ឋានរបស់លោក Sergueï Skripal។ ដូច្នេះគឺមានន័យថា ពួកអ្នកវាយប្រហារគឺស្ថិតនៅក្នុងទីក្រុងម៉ូស្គូ។
ទន្ទឹមនឹងនេះ ប្រសិនបើការយល់ស្របរវាងទីក្រុងឡុងដ្រ៏និងសម្ព័ន្ធមិត្តរបស់ខ្លួនក្នុងការប្រឆាំងនឹងប្រទេសរុស្ស៊ី ដែលជាប់សង្ស័៍យថាបានប៉ុនប៉ងធ្វើឃាតលោក គ្រីសប៉ាល់និងកូនស្រីនោះក៏ដោយ ក៏ប៉ុន្តែមជ្ឈដ្ឋាននយោបាយអង់គ្លេសវិញនៅតែមានជំហរស្ទាក់ស្ទើរ ដោយហេតុថា មេដឹកនាំនៃបក្សពលករអង់គ្លេសលោក Jeremy Corbyn ហាក់ដូចជាមានការលំបាកក្នុងការថ្កោលទោសទីក្រុងម៉ូស្គូយ៉ាងច្បាស់ដូច្នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ