ទិវាអន្តរជាតិនៃប្រទេសនិយាយភាសាបារាំង៖លោកម៉ាក្រុងចង់បង្កើនទ្វេដងនូវចំនួនសិស្សក្នុងវិទ្យាល័យបារាំងនៅបរទេស
នៅក្នុងប្រទេសបារាំងនាក្នុងឱកាសទិវាអន្តរជាតិនៃប្រទេសនិយាយភាសាបារាំងថ្ងៃអង្គារ ទី២០មីនា លោកប្រធានាធិបតីបារាំងអេម៉ានុយអែល ម៉ាក្រុងបានថ្លែងសុន្ទរកថានៅបណ្ឌិតសភាបារាំង។ នៅក្នុងសុន្ទរកថារយៈពេលជាង ១ម៉ោង លោកម៉ាក្រុងបានបញ្ជាក់ពីបំណងបង្កើនទ្វេដងនូវចំនួនសិស្សក្នុងវិទ្យាល័យបារាំងនៅបរទេស។ ទន្ទឹមគ្នានេះ លោកម៉ាក្រុងក៏បង្កើតថ្នាក់ឧត្តមសិក្សាបារាំងនៅបរទេស និងការបង្កើនទទួលនិស្សិតបរទេសឲ្យសិក្សាក្នុងប្រទេសបារាំង។
ចុះផ្សាយនៅថ្ងៃ៖
ស្តាប់ - ០១:២១
« នៅក្នុងថ្នាក់ឧត្តមសិក្សា យើងចង់ឲ្យបារាំងបង្កើតនៅក្រៅទឹកដីបារាំង និងប្រមូលផ្តុំគ្នានៅក្នុងបរិវាណមួយដូចនៅក្នុងប្រទេសម៉ារ៉ុក នៅក្នុងប្រទេសសេណេហ្គាល់ និងថ្ងៃស្អែកនៅក្នុងប្រទេសទុយនីស៊ីជាមួយនឹងអនាគតសាកលវិទ្យាល័យបារាំង ទុយនីស៊ីនៃតំបន់អាហ្រ្វិក និងមេឌីទែរ៉ាណេ។
នៅក្នុងផែនការនេះ គេត្រូវបង្កើនទ្វេដងនូវចំនួនកូនសិស្សក្នុងឆ្នាំ ២០២២ ខាងមុខ។ ទន្ទឹមគ្នានេះ គេត្រូវទទួលឲ្យបានសមរម្យនូវនិស្សិតបរទេសដែលមកសិក្សា រៀនសូត្រក្នុងប្រទេសបារាំង។ បារាំងត្រូវតែបង្កើនចំនួននិស្សិតបរទេសនៅក្នុងទឹកដីរបស់ខ្លួន ហើយចំនួននិស្សិតមកពីបណ្តាប្រទេសដែលកំពុងមានសេដ្ឋកិច្ចរីកលូតលាស់ខ្លាំងនឹងកើនទ្វេដង។
គឺភាសាបារាំងនេះឯងដែលបានភ្ជាប់ទំនាក់ទំនងជាមួយយើង។ និស្សិតជនជាតិឥណ្ឌា ជនជាតិរុស្ស៊ី និងជនជាតិចិននឹងមានកាន់តែច្រើនឡើងថែមទៀត។ តែនៅចំពោះមុខ យើងត្រូវតែធ្វើកំណែទម្រង់លើលក្ខខណ្ឌមួយចំនួនដើម្បីទទួលពួកគេ។ អ៊ីចឹងហើយបានជាខ្ញុំស្នើលោកស្រីរដ្ឋមន្រ្តីទទួលបន្ទុកថ្នាក់ឧត្តមសិក្សា និងស្រាវជ្រាវឲ្យរៀបចំផែនការរួមមួយដោយសហការណ៍ជាមួយសាកលវិទ្យាល័យបារាំង ហើយដែលផែនការនេះនឹងត្រូវបង្ហាញចេញនូវដើមឆ្នាំ ២០១៩ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ