អ៊ីស្រាអែលព្រមានវាយបកប្រសិនបើស៊ីរីប្រើមីស៊ីលរុស្ស៊ីS-៣០០
រដ្ឋមន្ត្រីក្រសួងការពារជាតិអ៊ីស្រាអែល បានចេញសេចក្តីប្រកាសព្រមាននៅថ្ងៃអង្គារទី ២៤មេសា នេះថា អ៊ីស្រាអែលនឹងវាយកម្ចាត់មីស៊ីស S-៣០០ ដែលរុស្ស៊ីផ្តល់ឱ្យស៊ីរី ប្រសិនបើមីស៊ីលនោះបាញ់សំដៅមកទិសខាងអ៊ីស្រាអែល។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៨
សារព័ត៌មានរុស្ស៊ីបានពាំពាក្យថាកាលពីថ្ងៃចន្ទថារុស្ស៊ីនឹងចាប់ផ្តើមបញ្ជូនមប្រព័ន្ធមីស៊ីលS -៣០០ទៅឱ្យស៊ីរីជាសម្ព័ន្ធមិត្ត ហើយរុស្ស៊ីក៏បានកម្លារភ្លាមអំពីផលវិបាក ដែលអាចជាមហន្តរាយដ៏ធ្ងន់ធ្ងរសម្រាប់គ្រប់ភាគីប្រសិនបើ អ៊ីស្រាអែល ហ៊ានវាយប្រហារមកលើទីតាំងពង្រាយប្រព័ន្ធមីស៊ីលS-៣០០។
នេះ ជាដំណឹងអាក្រក់បំផុតសម្រាប់អ៊ីស្រាអែលក្នុងការបញ្ចេញសកម្មភាពទៅស៊ីរី ព្រោះបើតាមបច្ចេកទេសអ៊ីស្រាអែលនិងស៊ីរីជាប្រទេសជិតខាងគ្នា ស្ថិតក្នុងស្ថានភាពមានសង្គ្រាមនឹងគ្នាឡើយទេ។ ប៉ុន្តែដោយគ្មានបង្អង់រដ្ឋមន្ត្រីក្រសួងការពារជាតិអ៊ីស្រាអែល បានបញ្ចេញប្រតិកម្មតបវិញនៅថ្ងៃនេះ ថានឹងកម្ចាត់ប្រព័ន្ធមីស៊ីសរុស្ស៊ីភា្លម ប្រសិនបើស៊ីរីហ៊ានប្រើដោយបែរកាណុងមករកអ៊ីស្រាអែល។ សម្រាប់អ៊ីស្រាអែល រុស្ស៊ីមិនគួរណាបង្កហេតុជាមួយ ហើយអ៊ីស្រាអែលក៏មិនចង់បង្កជម្លោះជាមួយរុស្ស៊ីវិញដែរ។
តាមការពិតការបញ្ជូនមីស៊ីលមកឱ្យស៊ីរីមិនមែនជារឿងថ្មីថ្មោងទេ។ រុស្ស៊ីនិងស៊ីរី បានចុះកិច្ចព្រមព្រៀងបញ្ជូនប្រព័ន្ធមីស៊ីលS-៣០០ តាំងពីឆ្នាំ២០១០។ ប៉ុន្តែក្រុងដាម៉ាសមិនអាចទទួលយកមីស៊ីលទាំងនោះបាន ដោយហេតុតែមានគំនាបពីអ៊ីស្រាអែលខ្លាំងពេក។ ហើយក្រោយពេលក្រុមបស្ចឹមលោកនាំគ្នាបើកប្រតិបត្តិការលើស៊ីរី រដ្ឋមន្ត្រីក្រសួងការបរទេសរុស្ស៊ីយល់ថា ពេលនេះម៉ូស្គូមិនខ្វល់នឹងគោរពសីលធម៌ ត្រូវក្រែងចិត្តនរណា មិនបញ្ជូនអាវុធទៅស៊ីរីទៀតទេ។
បច្ចុប្បន្ននេះ ប្រព័ន្ធមីស៊ីលS-៣០០ ត្រូវបានប្រើនិងដាក់ពង្រាយនៅមូលដ្ឋានយោធាជើងទឹករុស្ស៊ីនៅ Tartous និងប្រព័ន្ធមីស៊ីសS-៤០០ ដែលទំនើបជាងត្រូវបានដាក់ពង្រាយនៅមូលដ្ឋានទ័ពអាកាសរុស្ស៊ី នៅ Hmeinim ភាគខាងលិចប្រទេស។ សូមបញ្ជាក់ថា អ៊ីស្រាអែលបានដំឡើងសាច់ដុំដាក់ស៊ីរី កាលពីខែកុម្ភៈ ក្រោយពីដ្រូនអ៊ីរ៉ង់បានជ្រៀតចូលដែនអាកាសអ៊ីស្រាអែល។ ការប្រឈមមុខដោយអាវុធបានផ្ទុះឡើងជាលើកទីមួយរវាងអ៊ីស្រាអែលនិងអ៊ីរ៉ង់លើទឹកដីស៊ីរី។ មូលដ្ឋានទ័ពស៊ីរីមួយបានក្លាយជាផ្ទាំងស៊ីបនេះការវាយប្រហារកាលពីថ្ងៃទី៩មេសា ដែលបើតាមក្រុងដាម៉ាសនិងសម្ព័ន្ធមិត្តរុស្ស៊ី អ៊ីរ៉ង់ គឺជាស្នាដៃរបស់អ៊ីស្រាអែល។ អ៊ីស្រាអែលបដិសេធមិនបញ្ជាក់និងមិនច្រានចោលសម្មតិកម្មនោះទេ។ឯម៉ូស្គូបានគំរាមកុំអ៊ីស្រាអែលបញ្ឈប់រាល់សកម្មភាពដែលនាំអស្ថិរភាពដល់តំបន់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ