សប្តាហ៏នេះនៅរុស្សីបន្ទាប់ពីការចាប់ផ្តើមអាណត្តិថ្មីនៃប្រធានាធិបតីទាំងបេក្ខភាពនាយករដ្ឋមន្ត្រីសម្រាប់អាណត្តិថ្មីក៏ត្រូវបានរដ្ឋសភាអនុម័តដែរ
ចុះផ្សាយនៅថ្ងៃ៖
ស្របនឹងរដ្ឋធម្មនុញ្ញរុស្ស៊ី គ្រាន់តែប្រធានាធិបតីឈ្នោះឆ្នោត បានទទួលសច្ចាប្រណិធាន ចូល កាន់តំណែងរួចរាល់ហើយ រដ្ឋាភិបាលប្រកាសលាចេញពីតំណែងខ្លួនភ្លាម។ ហើយ រំលងតែ ២ ម៉ោងសោះ ក្រោយពីចប់ទៅ ពិធីទទួលសច្ចាប្រណិធាននោះ នាថ្ងៃ ៧ ឧសភា លោក ប្រធានាធិបតី វ៉្លាឌី មៀរ ពូទីន បានស្នើបេក្ខភាព លោក Dmitri Medvedev ឲ្យកាន់ជាថ្មី តំណែងជាប្រមុខរដ្ឋាភិបាល។ បេក្ខភាពនេះ ត្រូវបានអនុម័ត ដោយសម្លេងច្រើនលើសលុប នៃតំណាងរាស្ត្រខាងបក្សកាន់អំណាច។ ថ្ងៃ ៨ ឧសភា ទៅហើយ លោក ពូទីន បានចេញក្រិត្យតែងតាំង លោក Medvedev ឲ្យដឹកនាំជាថ្មី រដ្ឋាភិបាលរុស្ស៊ី ទាំង ផ្ទុកផ្តាក់ រដ្ឋាភិបាលនេះ ឲ្យបំពេញ ភារកិច្ចធំធេងមួយចំនួន ប្រកបដោយមហិច្ឆិតាទៅផង សម្រាប់ ៦ ឆ្នាំ ទៅមុខទៀត។ ព្រមជាមួយនេះ បុគ្គលពូទីនផ្ទាល់ ដែលក្រោយពីឡើងកាន់តំណែងអាណត្តិថ្មី គឺត្រូវបាន ទស្សនាវដ្តីអាមេរិកាំង Forbes ទម្លាក់ពីចំណាត់ថ្នាក់ទី១ មកនៅ លេខ២ ក្នុងចំណោមមនុស្សដែលមាន ឥទ្ធិពលជាងគេក្នុងលោក ទៅស្ថិតនៅ ពីក្រោយ មេដឹកនាំចិន លោក ស៊ី ជិនពីង ប៉ុន្តែ នៅពីមុខ លោក ប្រធានាធិបតីសរអា ដូណាល់ ត្រាំ ។ ចំណែកក្នុងប្រទេសរុស្ស៊ីវិញ ប្រជាពលរដ្ឋ សឹងពាក់កណ្តាល សំដែង ក្តីទោមនស្ស ចំពោះការដែល លោកពូទីន ដោះស្រាយបញ្ហាសង្គម ដោយខ្វះ យុត្តិធម៌។
