ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 16/06 00h00 GMT
  • 06h00 - 07h00 GMT
    កម្មវិធីព័ត៌មាន 16/06 06h00 GMT
  • 12h00 - 13h00 GMT
    កម្មវិធីព័ត៌មាន 16/06 12h00 GMT
អឺរ៉ុប

មហោស្រពភាពយន្ត​អន្តរជាតិ កាន លើកទី ៧២ បើក​សម្ពោធ​ជាផ្លូវការ នៅថ្ងៃអង្គារ​នេះ

media មហោស្រពភាពយន្ត​អន្តរជាតិ កាន លើកទី​៧២ នៅភាគខាងត្បូង​ប្រទេស​បារាំង ©REUTERS/Stephane Mahe

ពីថ្ងៃនេះ រហូត​ដល់​ថ្ងៃទី ២៥ ឧសភា មហោស្រពភាពយន្ត​អន្តរជាតិ​​កាន​លើកទី​៧២ នៅ​ភាគខាងត្បូង​ប្រទេស​បារាំង​​នឹង​បើកទ្វារ ក្រាល​កម្រាល​ព្រំ​ក្រហម​ទទួល​តារាភាពយន្ត​ និងចាក់បញ្ចាំង​​​ខ្សែភាពយន្ត​​មិនតិច​ជាង​១០០ ដែល​នៅក្នុង​នោះ ខ្សែភាពយន្ត​ចំនួន​២១​ត្រូវ​បាន​​ជ្រើសរើស​សម្រាប់​ការប្រកួតប្រជែង ដណ្តើម​ពានរង្វាន់ តាល់ប័ត្រ​មាស ដែល​ជារង្វាន់ធំ​របស់​មហោស្រព។ ឈាង បុប្ផា រាយការណ៍​ព័ត៌មាននេះផ្ទាល់​ពី មហោស្រព ទីក្រុង​កាន។

មហោស្រព​ភាពយន្ត​អន្តរជាតិ​ចាប់បើក​សម្ពោធ​ជាផ្លូវការ​នៅយប់ ថ្ងៃ​អង្គារ​នេះ​មែន ប៉ុន្តែ នៅ​ថ្ងៃ​ចន្ទ​ម្សិលមិញ អ្នករៀបចំ​មហោស្រព​​​ប្រញាប់ ញាប់ដៃជើង ដើម្បីរៀបចំ​តាក់តែង​មហោស្រព​ភាពយន្ត​អន្តរជាតិកាន ដែល​នឹង​មាន​អ្នកចូល​រួម​អាជីព ៤ម៉ឺននាក់ ដែលនៅក្នុង​នោះ អ្នកកាសែត បរទេសគ្រប់ជាតិសាសន៍​ប្រមាណ ៤៥០០​នាក់។

ខ្សែភាពយន្ត​ចំនួន​២១ ដែល​មាន​តាំង​ពី​ខ្សែភាពយន្ត​ចិន អាមេរិក បារាំង អេស្ប៉ាញ កូរ៉េខាងត្បូង កាណាដា បែលហ្ស៊ិក នឹង​ត្រូវ​ជ្រើសរើស​យ៉ាងសម្រិតសម្រាំង​បំផុត​ពី​គណៈ​មេប្រយោគ​​៩នាក់ ដឹកនាំ​ដោយ​​សមិទ្ធិករ​ ម៉ិចស៊ិក លោកAlejandro González Iñárritu, សម្រាប់​ពានរង្វាន់​តាល់ប័ត្រ​មាស។

ក្រៅតែ​​ដាក់​ប្រកួតប្រជែងខ្សែភាពយន្ត​របស់​សមិទ្ធិករល្បីៗ ដែល​មួយចំនួន ធ្លាប់​បានទទួល​តាល់ប័ត្រ​មាស​នៅក្នុង​មហោស្រព​កន្លងមក មហោស្រពភាពយន្ត​កាន​លើកទី​៧២ ត្រូវ​បាន​គេ​ចាប់អារម្មណ៍ និង​ទន្ទឹង​រង់ចាំ​មើល​ខ្លាំង ដោយ​មកពីមាន​វត្តមាន​របស់​តារាភាពយន្ត​ ឥស្សរជន​ល្បីៗ ដែល​នឹង​ដើរលើ​កម្រាលព្រំ​ក្រហម​របស់​មហោស្រព ដែលមាន​តាំង​ពី តារាភាពយន្ត​អាមេរិកាំង លោក Stallone តារាចម្រៀង​អង់គ្លេស​ដ៏ល្បីឈ្មោះ លោក​Elton John ឬ តារាជើងឯក​បាល់​ទាត់អាហ្សង់ទីន លោក​​Maradona។

​​នៅ​កាន នៅ​មាន​មហោស្រព​ធំៗ​​បីទៀត ដែលរៀបចំឡើង​ទន្ទឹម​គ្នា​នឹង​​​មហោស្រព​ភាពយន្ត​អន្តរជាតិ​កាន ​ដូចជា La Quinzaine des réalisateurs la semaine de la critique និង Acid ដែល​ជា​មហោស្រព បើកទទួល​​សមិទ្ធិករជំនាន់ថ្មី ដែល​ទើប​បញ្ចេញស្នាដៃ ផលិតខ្សែភាពយន្ត​លើកទី១។ ក្រៅតែពីជា​កន្លែង​​ប្រកួតប្រជែង​ខ្សែភាពយន្ត​ ដែ​លមាន​ស្នាដៃ មហោស្រព​អន្តរជាតិ​ក៏​ជា​កន្លែងណាត់ជួប​ និង​ជាទី​ផ្សារ​ទិញលក់​ ខ្សែភាពយន្ត​ដ៏ធំមួយ នៅក្នុង​ពិភពលោក។ ទីផ្សារ​ភាពយន្ត​ដែល​ប្រារព្ធ​ខួប ៦០​ឆ្នាំ នៃវត្តមាន​របស់ខ្លួន នៅក្នុង​មហោស្រពភាពយន្ត​អន្តរជាតិ​កាន លើក​ទី ៧២ ឆ្នាំនេះ។

 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ