រឿងមេខ្យល់ បង្ហាញសកម្មភាពជួញដូរមនុស្សយ៉ាងចេញមុខ នៅកម្ពុជា
ចុះផ្សាយនៅថ្ងៃ៖
ស្តាប់ - ០៩:៣៤
នៅពេលដែលគេនិយាយពីការជួញដូរមនុស្ស គេអាចនឹកគិតថា គេមិនអាចស្គាល់ ឬងាយនឹងចាប់ដាក់គុក មេឈ្មួញ ជួញដូរមនុស្សទេ ព្រោះពួកនេះធ្វើអំពើខុសច្បាប់ ដោយសម្ងាត់ លាក់កំបាំងបំផុត។ ប៉ុន្តែ រឿងមេខ្យល់ ដែលជាកុនឯកសាររបស់សមិទ្ធិករ កូនកាត់ខ្មែរ ហ្គីយ៉ូម សួន បានបង្ហាញឲ្យគេឃើញថា ពួកឈ្មួញ ធ្វើសកម្មភាព ជួញដូរមនុស្សដោយចេញមុខបំផុត។ គេបានប្រើរូបភាពជាទីភ្នាក់ងារផ្តល់ការងារដល់ពលករខ្មែរនៅបរទេស ដើម្បីរកប្រាក់ចំណេញពីការជួញ លក់ដូរមនុស្ស ទៅបរទេស។ ខ្សែភាពយន្តឯកសាររឿង មេខ្យល់ ទើបត្រូវបានមហោស្រពភាពយន្ត អន្តរជាតិស្តីពីសិទ្ធិមនុស្សនៅ ហ្សឺណែវជ្រើសរើសសម្រាប់ការចាក់បញ្ចាំង នៅថ្ងៃទី ៣មីនា ឆ្នាំ ២០១៥។