បារំាងប្រកាសផែនការប្រឆំាងនឹងទង្វើប្រកាន់ពូជសាសន៍ និងការប្រឆំាងជនជាតិជ្វីហ្វ
នៅថ្ងៃសុក្រ ទី១៧ មេសា លោកនាយករដ្ឋមន្រ្តីបារំាងម៉ានុយអែល វ៉ាល្សបានលាតត្រដាងពីផែនការរបស់រដ្ឋាភិបាលក្នុងការប្រយុទ្ធប្រឆំាងនឹងទង្វើប្រកាន់ពូជសាសន៍ និងការស្អប់ជនជាតិជ្វីហ្វ។ គឺជាផែនការមួយដែលរដ្ឋាភិបាលគ្រោងប្រើថវិកាចំនួន ១០០លានអឺរ៉ូសម្រាប់រយៈពេល ៣ឆ្នំា។ មានវិធានការជាច្រើនដែលប្រកាសដោយលោកម៉ានុយអែល វ៉ាល្ស ដូចជាបង្កើនការត្រួតពិនិត្យពាក្យសម្តី និងអត្ថបទ ហើយចាប់ពីពេលនេះតទៅ ការប្រើភាសា និងទង្វើណាដែលមានលក្ខណៈប្រកាន់ពូជសាសន៍នឹងត្រូវមានទោសព្រហ្មទ័ណ្ឌ។ ចំណាត់ការរបៀបនេះត្រូវបានលោកម៉ាណុយអែល វ៉ាល្សយល់ឃើញថា ជារឿងបន្ទាន់បំផុត ព្រោះទង្វើប្រកាន់ពូជសាសន៍ និងការស្អប់ជនជាតិជ្វីហ្វហាក់ដូចជាកំពុងកើនខ្លំាងនៅក្នុងសង្គមបារំាងបច្ចុប្បន្ន។
ចុះផ្សាយនៅថ្ងៃ៖ កែប្រែថ្ងៃទី៖
ប្រសាសន៍លោកនាយករដ្ឋមន្រ្តីបារំាងម៉ានុយអែល វ៉ាល្សប្រែសម្រួលដោយ គួច គន្ធារ៉ា
គឺជាហេតុការណ៍មួយដែលគេមិនអាចបន្តឈរឱបដៃមើលទៀតឡើយ ទង្វើប្រកាន់ពូជសាសន៍ ការប្រឆំាងជនជាតិជ្វីហ្វ ការប្រឆំាងប្រជាជនអ៊ីស្លាម ការប្រឆំាងជនបរទេស និងការប្រឆំាងមនុស្សស្រឡាញ់ភេទដូចគ្នាបានកើនឡើងគួរឲ្យកត់សម្គាល់នៅក្នុងសង្គមបារំាង។ គឺនៅត្រង់ចំណុចហ្នឹងហើយដែលបារំាងកំពុងប្រឈមមុខខ្លំាង។ ដូច្នេះចំណាត់ការរបស់រដ្ឋាភិបាលតាមរយៈផែនការប្រយុទ្ធប្រឆំាងនឹងទង្វើទំាងអស់នេះនឹងអាចជាសញ្ញាជួយដាស់សតិសម្បជញ្ញ។ មានការប្រើពាក្យពេចន៍ដែលលក្ខណៈមើលងាយ មើលថោកអ្នកដទៃ និងឈានដល់សម្លាប់។
អំពើហិង្សារបៀបនេះ គឺជាអសន្តិសុខប្រចំាថ្ងៃដែលបាន និងកំពុងធ្វើឲ្យប៉ះពាល់យ៉ាងខ្លំាងដល់ជីវភាពរស់នៅរបស់ពលរដ្ឋបារំាង។ ដូច្នេះវាជារឿងបន្ទាន់បំផុតដែលត្រូវចាត់វិធានការទប់ស្កាត់។ នេះហើយជាកម្មវត្ថុចម្បងនៃផែនការប្រយុទ្ធប្រឆំាងនឹងទង្វើប្រកាន់ពូជសាសន៍ និងការស្អប់ជនជាតិជ្វីហ្វ។ ពិតណាស់នាពេលកន្លងមក រដ្ឋាភិបាលបានធ្វើការងារច្រើនណាស់ទាក់ទងនឹងបញ្ហានេះ។ តែនៅមានចំណុចជាច្រើនទៀតដែលត្រូវផ្លាស់ប្តូរ និងត្រូវបំពេញបន្ថែម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ