លោកទិន ពន្លក៖ សន្និសីទអាកាសធាតុក្នុងប្រទេសបារាំងជាឱកាសចុងក្រោយសម្រាប់ពិភពលោក
ចុះផ្សាយនៅថ្ងៃ៖
ស្តាប់ - ១៤:៥៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅថ្ងៃអង្គារ ទី១ ធ្នូនេះ គឺលោកទិន ពន្លក អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាពនៃក្រសួងបរិស្ថាន។ ឆ្លើយនឹងសំណួររបស់គួច គន្ធារ៉ា លោកទិន ពន្លកដែលកំពុងចូលរួមនៅក្នុងសន្និសីទអន្តរជាតិស្តីពីអាកាសធាតុរៀបចំក្នុងប្រទេសបារាំងបានប្រាប់ឲ្យដឹងពីវិធានការរបស់រដ្ឋាភិបាលកម្ពុជាក្នុងការចូលរួមទប់ទល់នឹងការប្រែប្រួលអាកាសធាតុ។ យោងតាមលោកទិន ពន្លក កម្ពុជាជាប្រទេសកំពុងអភិវឌ្ឍន៍មួយដែលកំពុងរងគ្រោះដោយការប្រែប្រួលអាកាសធាតុក្នុងភពផែនដី និងសង្ឃឹមថា សន្និសីទអន្តរជាតិពេលនេះ ជាឱកាសចុងក្រោយដែលប្រទេសទំាងអស់ក្នុងលោកត្រូវរកឲ្យបាននូវកិច្ចព្រមព្រៀងមួយក្នុងការទប់ស្កាត់សីតុណ្ហភាពមិនឲ្យលើសពី ២អង្សាចាប់ពីពេលនេះទៅដំណាច់សតវត្សទី២១។