ម៉ូស្គូឲ្យភ្លើងខៀវដល់ការលក់ ប្រព័ន្ធមីស៊ីលរុស្ស៊ីធុន S-300 ទៅ អ៊ីរ៉ង់
ការអនុញ្ញាតនេះ មានចែងក្នុងក្រឹត្យចេញ ដោយលោកប្រធានាធិបតីពូទីន ដែលថា រុស្ស៊ីមិនមើលឃើញន័យអ្វីណាទៀតឡើយ បន្តអនុវត្តបម្រាមដែលហាមមិនឲ្យ លក់ ទៅអ៊ីរ៉ង់ នូវប្រព័ន្ធការពារដែនអាកាសធុន S-300 ដ្បិតថ្ងៃ ២មេសាកន្លងទៅ នៅក្រុង Lausanne ប្រទេសស្វ៊ីស ជាតុល្យការនៃកិច្ចចរចា ជាមួយអ៊ីរ៉ង់ជុំវិញកម្មវិធីនុយក្លេអ៊ែរប្រទេសនេះ “ក្រុម៦ ប្រទេសមហាអំណាច” ដែលក្នុងនោះមានរុស្ស៊ីផង បានសង្កេតឃើញ មានការចម្រើន ទៅមុខ យ៉ាងបង្គួរក្នុងបញ្ហានេះ។ សំខាន់បំផុត តាមមតិរុស្ស៊ី ប្រព័ន្ធមីស៊ីល S-300 គឺទុកសម្រាប់ តែការពារប៉ុណ្ណោះ ដោយឥតបង្កើតជាគ្រោះថ្នាក់ដល់ប្រទេសណាមួយឡើយ បូកទាំង អ៊ីស្រាអែល ផង។ មិនតែប៉ុណ្ណោះ ទណ្ឌកម្មដែលដាក់ទល់នឹងអ៊ីរ៉ង់ កាលពីឆ្នាំ ២០១០ មិនឲ្យនាំអាវុធ សព្វបែបយ៉ាងទៅកាន់ប្រទេសនេះ តាមពិត គឺបានត្រូវរុស្ស៊ី ចូលខ្លួនទៅបំពេញតាម ដោយ ស្ម័គ្រចិត្តទេតើ។ បើអ៊ីរ៉ង់រីកថ្លើមពេញចិត្តនឹងការសម្រេចចិត្តនេះ របស់រុស្ស៊ី នោះ អ៊ីស្រាអែល និង សម្ព័ន្ធមិត្តដ៏ស្និទ្ធរបស់ប្រទេសនេះ គឺ ស.រ.អា. បែរជា រិះគន់ទៅវិញ។
ចុះផ្សាយនៅថ្ងៃ៖
ស្តាប់ - ០៥:៤៥
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ