យន្តហោះយោធាចិនឆ្លងកាត់ច្រកឆ្នេរជប៉ុន ដើម្បីធ្វើសមយុទ្ធ នៅភាគខាងលិចសមុទ្រប៉ាស៊ីហ្វិក
ថ្ងៃអាទិត្យ២៥សីហានេះ កងទ័ពអាកាសចិនបានប្រកាសថា យន្តហោះទំលាក់គ្រាប់បែកជាង៤០គ្រឿង និងយន្តហោះផ្សេងទៀតរបស់ចិន បានធ្វើដំណើរឆ្លងកាត់ច្រកឆ្នេរនៃប្រជុំកោះជប៉ុន រីយូគ្យូ Ryukyu ដើម្បីធ្វើសមយុទ្ធ នៅភាគខាងលិចមហាសមុទ្រប៉ាស៊ីហ្វិក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០៣
កងទ័ពអាកាសចិនបានផ្តល់ដំណឹង ថ្ងៃអាទិត្យនេះថា យន្តហោះទំលាក់គ្រាប់បែកនិងយន្តហោះជាច្រើនគ្រឿងផ្សេងទៀតរបស់ចិន បានធ្វើសមយុទ្ធក្នុងដែនអាកាស នៅភាគខាងលិចមហាសមុទ្រប៉ាស៊ីហ្វិក បន្ទាប់ពីបានឆ្លងកាត់តាមច្រកឆ្នេរកោះមីយ៉ាកូ ដែលបែងចែករវាងកោះមីយ៉ាកូ និងកោះអូគីណាវ៉ា របស់ជប៉ុន។
តាមរយៈសមយុទ្ធយោធាផ្លូវអាកាស គេមើលឃើញថា កងទ័ពចិនកំពុងបង្ហាញសាច់ដុំ កាន់តែសកម្ម ទៅកាន់ប្រទេសជិតខាង ដែលជាប់ពាក់ព័ន្ធនឹងជម្លោះដែនសមុទ្រ។ ជាក់ស្តែង ខែកញ្ញានេះ ចិនបានរៀបចំសមយុទ្ធយោធាមួយដែរ នៅសមុទ្រប៉ាស៊ីហ្វិក ដោយបានបញ្ជូនយន្តហោះទំលាក់គ្រាប់បែក យន្តហោះប្រដេញ និងយន្តហោះច្រើនគ្រឿងផ្សេងទៀត អោយឆ្លងចូលតាមច្រកឆ្នេរបាស្ហ៊ី ដែលស្ថិតនៅចន្លោះកោះតៃវ៉ាន់ និងហ្វីលីពីន។
ច្រើនឆ្នាំមកនេះ ចិននិងជប៉ុន ឈ្លោះដណ្តើមប្រជុំកោះគ្មានមនុស្សនៅ ដែលចិនហៅថា កោះដាវយូ តែជប៉ុនអោយឈ្មោះថា កោះសិនកាគូ។ ប្រជុំកោះនេះ ស្ថិតនៅមិនឆ្ងាយពីប្រជុំកោះ រីយូគ្យូ ដែលកងទ័ពអាកាសចិនប្រកាសថា ជាកន្លែងដែលយន្តហោះយោធាចិន ធ្វើដំណើរកាត់តាមនោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ