ស្តាប់ ថតទុក Podcast
  • 00h00 - 01h00 GMT
    កម្មវិធីព័ត៌មាន 06/12 00h00 GMT
  • 06h00 - 07h00 GMT
    កម្មវិធីព័ត៌មាន 06/12 06h00 GMT
  • 12h00 - 13h00 GMT
    កម្មវិធីព័ត៌មាន 06/12 12h00 GMT
អាស៊ី

រាជក្រឹត្យ​​​​ថៃ​​លើកលែង​ទោស​​ស្ត្រី៣នាក់​​ ដែល​បាន​ប្រមាថ​​ព្រះចេស្តា

media  
ស្ត្រី​អ្នកទោស​ថៃ Darunee Charnchoengsilpakul (រូបកណ្តាល) ដែល​បាន​ប្រមាថ​ព្រះចេស្តា Reuters

ថៃ​បាន​ដោះលែង​ស្ត្រី៣នាក់​ ដែល​បាន​ប្រមាថ​ព្រះមហាក្សត្រ​ថៃ ចេញ​ពី​ពន្ធនាគារ​នៅ​ថ្ងៃសៅរ៍​​២៧សីហានេះ។ យោងតាម​មេធាវី​សិទ្ធិមនុស្ស​មួយរូប ​ស្ត្រី​ថៃ​ទាំង៣រូបនេះ​​ ជាប់ពន្ធនាគារ​ច្រើនឆ្នាំ​មកហើយ ហើយ​បានទទួល​ការលើកលែង​ទោស​​ពី​ព្រះ​មហាក្សត្រ។

 

ស្របតាម​រាជក្រឹត្យ​លើកលែង​ទោស​របស់​ព្រះមហាក្សត្រ ស្ត្រី​ថៃ​៣រូប​ត្រូវបាន​ដោះលែង​ពី​ពន្ធនាគារ​នៅថ្ងៃសៅរ៍​នេះ។ ក្នុងចំណោម​ស្ត្រីទាំង៣រូប ​មាន​​ម្នាក់​ ឈ្មោះ ​Darunee Charnchoengsilpakul​ ឆានឆឹង​ស៊ីឡា​ប៉ាគុល ត្រូវបាន​តុលាការ​ដាក់ទោស​អោយ​ជាប់​ពន្ធនាគារ​​១៥ឆ្នាំ កាលពី​ឆ្នាំ២០១១ ពីបទ​ថ្លែងសន្ទកថា​​​ប៉ះពាល់​ព្រះចេស្តា។ ស្ត្រីរូបនេះ​ត្រូវបាន​គេស្គាល់ច្បាស់ ថា​ជា​អ្នក​គាំទ្រ​​អតីត​នាយករដ្ឋមន្ត្រី​ថាក់ស៊ីន ស៊ីណាវ៉ាត់ ពេញទំហឹង។

ស្ត្រី​ម្នាក់ទៀត​​រងការកាត់ទោស​អោយ​ជាប់ពន្ធនាគារ​២ឆ្នាំកន្លះ ​ពីបទ​សំដែង​ល្ខោន​ប៉ះពាល់​របប​រាជានិយម។ ហើយ​ម្នាក់ទៀត ​ជាប់ទោស​ពីបទ​ប្រមាថ​រូបថត​ព្រះមហាក្សត្រ។
យោងតាម​​​ច្បាប់ថៃ រាល់​អ្នកដែល​ប្រមាថ​ព្រះមហាក្សត្រ អាឌុលយ៉ាដេ រឺក៏​ប្រមាថ​​​គ្រួសារ​ព្រះអង្គ​​អាច​ជាប់គុក​រហូត​១៥ឆ្នាំ។ តាំង​ពី​មាន​រដ្ឋប្រហារ​យោធា​ឆ្នាំ២០១៤មក ការ​ចាប់ខ្លួន​​និង​ដាក់ទោស​អ្នក​ប្រមាថ​​ព្រះមហាក្សត្រ​ មា​នការ​​កើនឡើង​ជាងមុន។

ក្នុង​ចំណោម​មនុស្ស​ជាង​៦០នាក់ដែល​​ជាប់ពាក់ព័ន្ធ​នឹង​រឿងរ៉ាវ​ប្រមាថ​ក្សត្រ​ថៃ ភាគច្រើន​ត្រូវ​តុលាការ​​យោធា​កាត់ទោស។ គេនៅ​ចាំច្បាស់​ថា មាន​បុរស​ម្នាក់​ត្រូវអាជ្ញាធរ​​ចាប់ខ្លួន ​ពីបទ​បាន​​ថ្លែងពាក្យពេចន៍​មាក់ងាយ​ឆ្កែ​មួយក្បាល​ របស់​ព្រះមហាក្សត្រ៕

ទាក់ទង​នឹង​ប្រធានបទ​នេះ
 
សូមអភ័យទោស យើងមិនអាច​ភ្ជាប់​ទៅ​ទំព័រ​ដែល​លោកអ្នក​ស្នើសុំ​បានទេ