ភាពតានតឹងរវាងកងទ័ពនិងភាតរបុត្រអ៊ីស្លាម
ភាតរបុត្រអ៊ីស្លាមដែលមានភាគច្រើននៅរដ្ឋសភានិងកងទ័ពដែលក្តាប់អំណាចនីតិប្រតិបត្តិ បានធ្វើឱ្យផ្ទុះការខ្វែងគំនិតគ្នាកណ្តាលថ្ងៃត្រង់។ ចាប់ពីថ្ងៃសៅរ៍ ២៤មីនាមកគេប្រឈមមុខដាក់គ្នាតាមរយៈសេចក្តីជូនដំណឹង។តើជាអវសាននៃសម្ព័ន្ធភាពស្ងៀមស្ងាត់មិនសម្តែងចេញជាផ្លូវការដែលបានចាប់ផ្តើមតាំងពីដើមទីនៃបដិវត្តន៍ឬ?
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៤
ភាពតានតឹងដំបូង បានចាប់ផ្តើមនៅថ្ងៃសៅរ៍២៤មីនាដោយសេចក្តីជូនដំណឹងរបស់ចលនាឈ្មោះភាតរបុត្រអ៊ីស្លាមដែលចោទកងទ័ពថា”ខំប្រឹងរារាំងកុំឲ្យមានអន្តរកាលទៅកាន់របបប្រជាធិបតេយ្យ”។ ភាតរបុត្រអ៊ីស្លាម បានយល់ឃើញថា ការបោះឆ្នោតជ្រើសរើសប្រធានាធិបតី ដើម្បីខណ្ឌបញ្ចប់អំណាចយោធានៅដើមខែកក្កដា២០១២ ប្រហែលអាចនឹងត្រូវ”ក្លែងបន្លំ”ដើម្បីបេក្ខជនម្នាក់ដែលខ្លួន មិនបញ្ចេញឈ្មោះ។ ភាតរបុត្រអ៊ីស្លាម ថែមទាំងប្រកាសចេតនាខ្លួនបង្ហាញបេក្ខជនរបស់ខ្លួនផ្ទាល់ដែលជាការផ្ទុយនឹងការធានាដែលខ្លួនបានផ្តល់ឲ្យមុននឹងបោះឆ្នោតសភា។
នៅថ្ងៃអាទិត្យម្សិលមិញ២៥មីនា លោក Mansour Hassan ដែលជាបេក្ខជនយល់ព្រមព្រៀងគ្នារវាងកងទ័ពនិងភាតរបុត្រអ៊ីស្លាម បានដកខ្លួនថយ។ កងទ័ពបានចុះផ្សាយសេចក្តីជូនដំណឹងមួយដែលចាត់ទុកសេចក្តីថ្លែងការណ៍របស់ភាតរបុត្រអ៊ីស្លាមថាជា”ពាក្យមួលបង្កាច់”។
ពួកទាហាន បានអះអាងជាថ្មី នូវចេតនាខ្លួនធ្វើអន្តរកាលប្រជាធិបតេយ្យឲ្យបានចប់ចុងចប់ដើមតាមរយៈ”ការបោះឆ្នោតដោយសេរីនិងប្រកបដោយតម្លាភាព”។
ការខ្វែងគំនិតគ្នាជាសាធារណៈរវាងភាតរបុត្រអ៊ីស្លាមនិងកងទ័ព កើតមានក្នុងបរិយាកាស សង្គ្រាមពាក្យសំដី ស្តីពីសមាសភាព នៃសភាធម្មនុញ្ញដែលទទួលបន្ទុកតាក់តែងរដ្ឋធម្មនុញ្ញថ្មី។ ពួកគ្រហស្ថពុំមែនជាអ្នកកាន់សាសនាអ៊ីស្លាម យល់ឃើញថា សមាជិកភាគច្រើននៃសភាធម្មនុញ្ញជាពួកអ៊ីស្លាមដែលខំប្រឹងបំផ្លាញ“ គ្រឹះនៃរដ្ឋស៊ីវិល”។ ពួកគ្រហស្ថទាំងនេះ ដែលរហូតមកទល់ពេលនេះ សំដែងអាការៈ ព្រងើយកន្តើយ ចំពោះ កងទ័ព”៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ