លោក ហ៊ុន សែន ជំរុញអោយមន្ត្រីប្រាប់អ្នកកាសែត រឿងរដ្ឋមន្ត្រីបើកប្រាក់ខែយឺត
នៅថ្ងៃចន្ទនេះ លោកនាយករដ្ឋមន្ត្រីហ៊ុន សែនបាននិយាយអំពីកំណែទម្រង់មួយទាក់ទងនឹងការបើកប្រាក់បៀវត្សរ៍មន្ត្រីរាជការអោយទាន់ពេល រៀងរាល់ខែ។ ប្រមុខរដ្ឋាភិបាលបានស្តីបន្ទោសជាសារធារណៈរដ្ឋមន្ត្រីមួយចំនួនដែលបានបង្កអោយមានភាពយឺតយ៉ាវក្នុងការបើកប្រាក់បៀវត្សរ៍ដល់មន្ត្រីដោយសារតែខ្លួនមិនបានចុះហត្ថលេខាលើឯកសារបើកប្រាក់ខែ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០០:៥៦
លោកហ៊ុន សែនបាននិយាយអំពីកំណែទម្រង់នៃការបើកប្រាក់បៀវត្សរ៍មន្ត្រីរាជការនៅ ក្នុងឱកាសនៃការប្រគល់សញ្ញាបត្រដល់សិស្សមន្ត្រីជាន់ខ្ពស់នៅព្រឹកថ្ងៃទី១៧កុម្ភៈនៅវិទ្យាស្ថានជាតិអប់រំ។
លោកនាយករដ្ឋមន្ត្រីបានបញ្ជាអោយរដ្ឋមន្ត្រីអាចផ្ទេរអំណាចដល់រដ្ឋលេខាធិកា និងថ្នាក់ដឹកនាំក្រោមឱវាទ ដើម្បីពួកគេអាចចុះហត្ថលេខាលើឯកសារបើកប្រាក់បៀវត្សរ៍អោយមន្ត្រីរាជការបាន អោយទាន់ពេលវេលា ដោយមិនចាំបាច់ត្រូវការហត្ថលេខារបស់រដ្ឋមន្ត្រី តែមួយ។ សម្រាប់លោកនាយករដ្ឋមន្ត្រី ទៅថ្ងៃអនាគត មន្ត្រីរាជការនឹងអាចបើកប្រាក់បៀវត្សរ៍តាមប្រព័ន្ធធនាគារ ហើយថានេះគឺជាវិធានការបំបាត់អំពើពុករលួយដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ