ប្រធានាធិបតីកេនយ៉ាលោក អ៊ូហ៊ូរូកេនយ៉ាត់តាចូលបង្ហាញខ្លួននៅមុខតុលាការព្រហ្មទណ្ឌអន្តរជាតិ
ប្រធានាធិបតីកេនយ៉ា លោក អ៊ូហ៊ូរូកេនយ៉ាត់តា(Uhuru Kenyatta) បានអញ្ជើញទៅដល់ទីក្រុងឡាអេដើម្បីចូលខ្លួនក្នុងអង្គសវនាការមួយនៅ ថ្ងៃពុធទី៨តុលានេះ។ អង្គសវនាការ ដែលត្រូវធ្វើសេចក្តីសំរេចថាតើនឹងត្រូវបន្តការចោទប្រកាន់លោកប្រធានាធិបតីកេនយ៉ាឬដែរទេ ?កន្លងមក តុលាការព្រហ្មទណ្ឌអន្តរជាតិ បានចោទប្រកាន់លោក អ៊ូហ៊ូរូ កេនយ៉ាត់តា ពីបទ ឧក្រិដ្ឋកម្មប្រឆាំងមនុស្សជាតិក្នុងអំឡុងវិបត្តិនយោបាយ ដ៏ហិង្សាបំផុតក្រោយការបោះឆ្នោតចុងឆ្នាំ២០០៧-២០០៨ ។ម្សិលមិញ តុលាការព្រហ្មទណ្ឌអន្តរជាតិ បានរួមប្រជុំនិងធ្វើការជញ្ជឹងពិចារណាគ្នាដើម្បីសំរេចលើករណីយលោក អ៊ូហ៊ូរូកេនយ៉ាត់តា។ ការរិយាល័យរដ្ឋអាជ្ញាវិញ បានស្នើឲ្យតុលាការទីក្រុងឡាអេ ធ្វើការទទួលស្គាល់ដឹងឮថា”កេនយ៉ាពុំព្រមសហការជាមួយឡើយនៅក្នុងការ ស៊ើបអង្កេតដែលឈានទៅដល់ការបើកជំនំជំរះទោស។
ចុះផ្សាយនៅថ្ងៃ៖
ស្តាប់ - ០២:០២
តំណាងរបស់រដ្ឋអាជ្ញាតុលាការ បានថ្លែងប្រាប់អង្គសវនាការថា”រដ្ឋអាជ្ញាកំពុងជួបនឹងភាពទ័លច្រក៖ រដ្ឋាភិបាលកេនយ៉ា មិនព្រមផ្តល់នូវអ្វីៗដែលរដ្ឋអាជាចង់បាន។ គោលដៅចង់បានរបស់រដ្ឋអាជ្ញា “គឺសុំឲ្យតុលាការព្រហ្មទណ្ឌអន្តរជាតិ-ទទួលស្គាល់ជាផ្លូវការថា “កេនយ៉ា មិនគោរពកាតព្វកិច្ចស្របច្បាប់នានារបស់ខ្លួនទេ និងស្នើសុំឲ្យតុលាការព្យួរសវនាការជាថ្មីទៀត ព្រោះគ្មានភស្តុតាងគ្រប់គ្រាន់”។
រដ្ឋអាជ្ញាតុលាការ បានគូសបញ្ជាក់ទៀតថា ខ្លួនបានទាមទារអស់រយៈពេលជាច្រើនខែកន្លងមកហើយនូវឯកសារនានាដូចជាបញ្ជីគណនេយ្យនិងបញ្ជីលេខទូរស័ព្ទ ដើម្បីអនុញ្ញាតឲ្យរដ្ឋអាជ្ញាអាចយកធ្វើជាភស្តុតាងបញ្ជាក់ពីតួនាទីរបស់លោកប្រធានាធិបតីកេនយ៉ានៅក្នុងអំពើហិង្សានាអំឡុងចុងឆ្នាំ២០០៧-២០០៨។
ប៉ុន្តែ អគ្គរដ្ឋអាជ្ញាប្រទេសកេនយ៉ាដែលតំណាងឲ្យក្រុងណៃរ៉ូប៊ី( Nairobi) បានថ្លែងធានាអះអាងនៅក្នុងអង្គសវនាការថា "កេនយ៉ានឹងសហការជាមួយតុលាការ" ដោយបន្ថែមទៀតថា
"លោកបានខិតខំប្រឹងប្រែងអស់ពីសមត្ថភាពដើម្បីរុករកឲ្យបានព័ត៌មានគ្រប់សព្វដែលតុលាការទាមទារ"។ ទន្ទឹមនេះដែរ អគ្គរដ្ឋអាជ្ញាកេនយ៉ា បានបញ្ជាក់ប្រាប់ដែរថា “កេនយ៉ា ក៏ដូចជាប្រទេសដ៏ទៃទៀតដែរ តែងតែជួបនឹងបញ្ហាដ៏សែនលំបាកមួយគឺបញ្ហាការិយាធិបតេយ្យ"។
ប្រសិនបើចៅក្រមមើលឃើញថា កេនយ៉ាគ្មានកិច្ចសហប្រតិបត្តិការជាមួយតុលាការនោះទេ សំណុំរឿងរបស់ប្រធានាធិបតីកេនយ៉ានឹងត្រូវដាក់ជូនទៅដល់សភានៃក្រុមប្រទេសជាហត្ថលេខីរបស់តុលាព្រហ្មទណ្ឌអន្តរជាតិ ដែលក៏ជាស្ថាបនិកនៃតុលាការក្រុងឡាអេ។
បន្ទាប់មកសភាមានជំរើសពីរយ៉ាង៖ ម្យ៉ាងគឺសភាក្រុមប្រទេសហត្ថលេខី គ្រាន់តែទទួលនិងកត់ត្រាទុកឬក៏ម្យ៉ាងទៀត សភាត្រូវសំរេចចិត្តថ្កោលទោសប្រទេសកេនយ៉ាជាសាធារណៈ គឺដាក់ទណ្ឌកម្មនយោបាយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ