លោក សេង ឡូត៖ វិស័យសំណង់កម្ពុជាមិនថមថយទេ ខណៈពិភពលោកប្រឈមនឹងកូវីដ១៩
នៅក្នុងសន្និសីទសារព័ត៌មាន ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនៅព្រឹកថ្ងៃចន្ទនេះ លោក សេង ឡូត អ្នកនាំពាក្យក្រសួងរៀបចំដែនដី នគររូបនីយកម្ម និងសំណង់ បានថ្លែងថា ស្ថានភាពនៃវិស័យសំណង់នៅក្នុងប្រទេសកម្ពុជា មិនមានការថយចុះទេ បើទោះណាជាសេដ្ឋកិច្ចពិភពលោកប្រឈមនឹងកំណើនថមថយ៥០% ដោយសារតែមេរោគ Covid-19ក៏ដោយ។ អ្នកនាំពាក្យក្រសួងដែនដីរូបនេះបញ្ជាក់ថា គម្រោងស្នើសុំសាងសង់គិតត្រឹមខែកុម្ភៈឆ្នាំ២០២០នេះ មានការកើនឡើង ធៀបទៅនឹងរយៈពេលដូចគ្នាកាលពីឆ្នាំទៅ។ លោក សេង ឡូត អះអាងថា អ្នកវិនិយោគបរទេសលើវិស័យសំណង់ ចិននៅតែនាំមុខគេ បន្ទាប់មកកូរ៉េ និងលេខ៣គឺជប៉ុន។ ទោះយ៉ាងណាអ្នកវិនិយោគបរទេសច្រើនផ្តោតទៅលើសំណង់ស្នាក់នៅរួម និងអគារខ្ពស់ ក៏ប៉ុន្តែការវិនិយោគបែបបុរី គឺសឹងតែទាំងអស់ជាការវិនិយោគដោយពលរដ្ឋខ្មែរក្នុងស្រុក។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក សេង ឡូត ទៅកាន់អ្នកសារព័ត៌មាន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ