តើ SpaceX គ្រោងបញ្ជូនមនុស្សទៅភពអង្គារដោយរបៀបណា?
ចុះផ្សាយនៅថ្ងៃ៖
ស្តាប់ - ១២:០១
នៅសប្តាហ៍នេះ សេង ឌីណា សូមលើកឡើង អំពីគម្រោងរបស់ក្រុមហ៊ុន SpaceX ក្នុងការបញ្ជូនមនុស្សទៅចុះចតលើភពព្រះអង្គារ ដែលជាបេសកកម្មមួយដ៏សែនស្មុគស្មាញ ហើយដែលតាមបច្ចេកវិទ្យាបច្ចុប្បន្ននេះ តាមទារនូវការចំណាយយ៉ាងច្រើនសន្ធឹកសន្ធាប់។
យើងដឹងថា ក្រុមហ៊ុន SpaceX បានចាប់កំណើតឡើង ចេញពីមហិច្ឆតារបស់លោក Elon Musk ក្នុងការបញ្ជូនមនុស្សទៅកាន់ភពព្រះអង្គារ។ កាលណានិយាយពីការបញ្ជូនមនុស្សទៅភពព្រះអង្គារ គេចាំបាច់ត្រូវនិយាយពីបញ្ហាប្រឈមខាងផ្នែកបច្ចេកវិទ្យា ហើយបញ្ហាដ៏ស្មុគស្មាញបំផុតមិនមែននៅត្រឹមតែត្រង់ថា តើទៅភពព្រះអង្គារបានដោយរបៀបណាទេ តែនៅត្រង់ថាក្រោយពេលទៅដល់ហើយ តើគេអាចចុះចត រួចហើយបញ្ជូនអវកាសយានិកឲ្យហោះចេញពីភពព្រះអង្គារ ដើម្បីធ្វើដំណើរវិលត្រឡប់មកភពផែនដីវិញបានដោយរបៀបណា?
ចម្លើយ គឺគម្រោងថ្មីមួយឈ្មោះ Starship ដែលលោក Elon Musk ទើបនឹងបានប្រាប់បុគ្គលិក SpaceX ទាំងអស់ ឲ្យយកធ្វើជាអាទិភាពចម្បងជាងគេ។
តាមគម្រោង Starship នេះនឹងមានកម្លាំងខ្លាំងជាង Falcon Heavy រហូតដល់ទៅ ១០ដង ហើយវាជាប្រភេទយានដែលអាចប្រើបានឡើងវិញច្រើនដងយ៉ាងពេញលេញ ចាប់តាំងពីកំណាត់ទី១ រហូតទៅដល់តួយាន។ តាមរយៈគម្រោងនេះ លោក Elon Musk ចង់កាត់បន្ថយថ្លៃបញ្ជូនមនុស្សទៅភពអង្គារឲ្យធ្លាក់មកនៅត្រឹម ២០ម៉ឺនដុល្លារក្នុងម្នាក់ ឬក៏អាចទាបជាងនេះទៅទៀត។
មើលវីដេអូផ្សេងទៀត ស្តីពីវិទ្យាសាស្ត្រ និងចក្រវាល នៅលើយូធូបផ្លូវការរបស់យើង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ