លោកជិន ម៉ាលីន៖ការជួបជុំតវ៉ា និងចេញសេចក្តីថ្លែងការណ៍ គ្មានឥទ្ធិពលរុញឱ្យតុលាការដោះលែងលោករ៉ុង ឈុនទេ
ចុះផ្សាយនៅថ្ងៃ៖
ស្តាប់ - ១២:០៩
បន្ទាប់ពីលោករ៉ុង ឈុន ត្រូវបានចាប់ខ្លួន ចោទប្រកាន់ និងឃុំខ្លួនបណ្តោះអាសន្ននៅក្នុងពន្ធនាគាររួចមក ប្រជាពលរដ្ឋខ្មែរដែលគាំទ្ររូបលោកបាននាំគ្នាតវ៉ាទាមទារឱ្យតុលាការដោះលែងរូបលោកឱ្យមានសេរីភាពឡើងវិញ។ បន្ថែមពីលើការតវ៉ារបស់ពលរដ្ឋនេះ អង្គការសង្គមស៊ីវិលនៅក្នុងស្រុកជាច្រើន និង អង្គការអន្តរជាតិផងក៏បានចេញមុខធ្វើការអំពាវនាវឱ្យដោះលែងលោករ៉ុង ឈុននេះផងដែរ។ ប៉ុន្តែ លោកជិន ម៉ាលីន អ្នកនាំពាក្យក្រសួងយុត្តិធម៌កម្ពុជា បានអះអាងថា ការតវ៉ា និង ការចេញសេចក្តីថ្លែងការណ៍ទាំងអស់នេះ គឺមិនមានប្រយោជន៍អ្វីនោះទេ ពោល គឺគ្មានឥទ្ធិពលណាមួយមកលើតុលាការកម្ពុជា ដើម្បីដោះលែងលោករ៉ុង ឈុនឡើយ។