ទស្សនៈព្រឹត្តិការណ៍ខ្មែរ
បញ្ហាព្រំដែននៅតែជាចំណុចក្ដៅនៅលើឆាកនយោបាយខ្មែរ
ចុះផ្សាយនៅថ្ងៃ៖
ស្តាប់ - ០៥:០០
បញ្ហាព្រំដែនបានកំរើកឡើងជាថ្មី បន្ទាប់ពីមានការចាប់ខ្លួនលោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា ក្រោមការចោទប្រកាន់ថាបានបំភ្លៃរឿងព្រំដែនកម្ពុជាវៀតណាម និងបន្ទាប់ពីកម្ពុជាវៀតណាមបោះពុម្ពផែនទីព្រំដែនខ្នាត១លើ២៥ពាន់។ ជាផែនទីដែលអតីតគណបក្សប្រឆាំងចាត់ទុកថា ជាផែនទីសំងាត់ដែលវៀតណាមគូសវាសឲ្យកម្ពុជា។ មែនទែនទៅ ការចោទប្រកាន់និងប្រឈមមុខដាក់គ្នារវាងអ្នកនយោបាយខ្មែរនៅក្នុងបញ្ហាព្រំដែននេះ មិនមែនជារឿងថ្មីទេ។ ព្រំដែនគឺជាបញ្ហាដែលចោទឡើងមិនចេះចប់នៅក្នុងប្រវត្តិសាស្ត្រខ្មែរ ហើយពេលខ្លះ ត្រូវបានអ្នកនយោបាយយកជាចំណាប់ខ្មាំងដើម្បីផលចំណេញផ្នែកនយោបាយថែមទៀត។
