ពលករខ្មែរនៅប្រទេសថៃឆ្លៀតធ្វើបុណ្យភ្ជុំបិណ្ឌក្នុងស្រុកគេ ខណៈថៃស្ថិតនៅក្នុងគ្រាអាសន្ននៃកូវីដ១៩
ទោះជាធ្វើចំណាកស្រុកទៅធ្វើការនៅប្រទេសថៃ ដោយបញ្ហាសេដ្ឋកិច្ច ហើយមិនបានវិលមកចូលរួមបុណ្យភ្ជុំបិណ្ឌនៅក្នុងប្រទេសកំណើតក៏ដោយ ក៏ពលករខ្មែរដ៏កំសត់ទាំងនោះបាននាំគ្នាប្រារព្ធធ្វើពិធីបុណ្យភ្ជុំបិណ្ឌនៅក្នុងតំបន់ដែលពួកគេរស់នៅ និងធ្វើការក្នុងប្រទេសថៃ តាមលទ្ធភាពរៀងៗខ្លួន។ លោក លឹង សុផុន មន្ត្រីនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (Central)ដែលប្រចាំការនៅខេត្ត ឈុនបុរី ប្រទេសថៃថ្លែងប្រាប់វិទ្យុបារាំង RFI តាមបណ្តាញទូរស័ព្ទថា ពលករខ្មែរមួយចំនួនធំមិនបានវិលត្រលប់មកធ្វើបុណ្យភ្ជុំបិណ្ឌ និងដាក់បិណ្ឌនៅស្រុកកំណើតបានទេ ដោយសារថៃដាក់ប្រទេសក្នុងគ្រាអាសន្ន អំឡុងពេលកូវីដ១៩នេះ។ ទោះយ៉ាងណា បើតាមលោក លឹង សុផុន ពួកគេបានឆ្លៀតពេលសម្រាកពីការងារ រួមគ្នានិមន្តព្រះសង្ឃ និងរៀបចំធ្វើពិធីបុណ្យតាមកន្លែងដែលពួកគេរស់នៅ ហើយតំបន់ខ្លះទៀត ក៏ត្រូវបានអនុញ្ញាតដោយអាជ្ញាធរថៃ រៀបចំពិធីបុណ្យដ៏មានសារៈសំខាន់នេះនៅតាមវត្តអារាមដែរ។
ចុះផ្សាយនៅថ្ងៃ៖
សូមស្តាប់ ការលើកឡើងរបស់លោក លឹង សុផុន ដែលជាការសាកសួរ ដោយញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ