សមត្ថកិច្ចខេត្តព្រះសីហនុប្រើពេល៣ថ្ងៃសាកសួរជនជាតិចិនជាង៤០០នាក់សង្ស័យប្រព្រឹត្តបទល្មើសគ្រឿងញៀន
សមត្ថកិច្ចប៉ូលីសខេត្តព្រះសីហនុមិនទាន់បញ្ចប់ការសួរនាំទាំងស្រុងទៅលើជនជាតិចិនជាង៤០០នាក់នៅឡើយទេ មកទល់ពេលនេះ ដើម្បីស្រាវជ្រាវឲ្យដឹងច្បាស់តើអ្នកណាខ្លះសង្ស័យថាបានពាក់ព័ន្ធនឹងបទល្មើសគ្រឿងញៀន និងការជួញដូរផ្លូវភេទ។ កាលពីអាធ្រាត្រឈានចូលថ្ងៃទី៣០ខែកញ្ញា សមត្ថកិច្ចចំរុះខេត្តព្រះសីហនុ បានបើកប្រតិបត្តិការបង្ក្រាបជនជាតិចិនទ្រង់ទ្រាយធំ នៅក្នុងភោជនីយដ្ឋានមួយឈ្មោះ «ស៊ីនខាយសៀនមិន»ស្ថិតក្នុងសង្កាត់លេខ៤ ក្រុងព្រះសីហនុ ហើយឃាត់ខ្លួនជនជាតិចិនចំនួន៤១១នាក់ និងពលរដ្ឋខ្មែរ៤នាក់ផងដែរ។ ក្រៅពីនេះប៉ូលីសក៏បានរកឃើញអាវុធវែង ខ្លី និងគ្រឿងញៀនមួយចំនួនដែរ។ លោកឧត្តមសេនីយ៍ទោ ជួន ណារិន្ទ ស្នងការប៉ូលីសខេត្តព្រះសីហនុ បានប្រាប់វិទ្យុបារាំង RFI នៅថ្ងៃសុក្រនេះថា សមត្ថកិច្ចកំពុងញែកឲ្យបានច្បាស់លាស់ក្នុងចំណោមមនុស្សទាំងជាង៤០០នាក់នេះ ថាតើអ្នកណាខ្លះពាក់ព័ន្ធនឹងសារធាតុញៀន ហើយភ្ញៀវណាខ្លះទៀតមិនពាក់ព័ន្ធ។
ចុះផ្សាយនៅថ្ងៃ៖
សូមស្តាប់ប្រសាសន៍លោកស្នងការ ជួន ណារិន្ទ រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ