ភាគីថៃស្នើកម្ពុជាជជែកគ្នាពីការស្វែងរកដំណោះស្រាយសម្រួលការចេញចូលរបស់ពលករខ្មែរទៅក្នុងប្រទេសថៃអំឡុងពេលកូវីដ១៩
អាជ្ញាធរខេត្តបន្ទាយមានជ័យ និងខេត្តបាត់ដំបងនៃប្រទេសកម្ពុជា កាលពីថ្ងៃព្រហស្បតិ៍ម្សិលមិញ បានជួបប្រជុំគ្នាជាមួយនឹងអាជ្ញាធរនៃខេត្តស្រះកែវប្រទេសថៃ ដើម្បីស្វែងរកដំណោះស្រាយក្នុងការបន្ធូរបន្ថយច្បាប់ស្តីពីការគ្រប់គ្រងស្ថានការណ៍ក្នុងគ្រាអាសន្ននៃប្រទេសថៃ ក្នុងបំណងជួយដោះស្រាយដំណើរការសេដ្ឋកិច្ចក្នុងតំបន់ឡើងវិញ។ លោក ង៉ោ ម៉េងជ្រួន អភិបាលរងខេត្តបន្ទាយមានជ័យ បានប្រាប់វិទ្យុបារាំង RFI នៅថ្ងៃនេះថា ភាគីទាំងពីរបានលើកយកប្រធានបទចំនួន៣ចំណុចមកជជែកគឺទី ១-ស្នើឱ្យពលករកម្ពុជាចូលទៅធ្វើការងារក្នុងប្រទេសថៃ ទី២-ស្នើឱ្យអាជីវករកម្ពុជាចូលទៅប្រកបអាជីវកម្មក្នុងផ្សាររុងក្លឿ ក្នុងខេត្តស្រះកែវរបស់ថៃ និងទី ៣ គឺបើកឲ្យប្រើប្រាស់ច្រកទ្វារព្រំដែនអន្តរជាតិស្ទឹងបត់-បានណងអៀន ជាបណ្តោះអាសន្ន សម្រាប់ដឹកទំនិញ ដើម្បីកាត់បន្ថយការកក់ស្ទះ នៅច្រកព្រំដែនអន្តរជាតិប៉ោយប៉ែត-ខ្លងឡឹក។ តាមលោកអភិបាលរងខេត្ត ភាគីថៃ-កម្ពុជា បានឯកភាពគ្នាចំពោះការចេញចូលនៃខេត្តជាប់ព្រំដែនទាំងពីរដោយតម្រូវឲ្យធ្វើចត្តាឡីស័កចំនួន១៤ថ្ងៃ។ ភាគីទាំងពីរក៏បានឯកភាពគ្នាដែរសម្រួលឲ្យពលរដ្ឋខ្មែរចូលទៅលក់ដូរនៅក្នុងផ្សាររុងក្លឿរបស់ថៃរយៈពេលយូរ ហើយចំនុចមួយចំនួនទៀតដែលភាគីកម្ពុជាបានស្នើ ត្រូវបានភាគីថៃដកឃ្លាទៅពិចារណា ដោយមិនមានការឆ្លើយតបភ្លាមៗនោះទេ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក ង៉ោ ម៉េងជ្រួន រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ