លោក ឡុង ឌីម៉ង់៖ របាយការណ៍កោសល្យវិច្ច័យបង្ហាញថាពលការិនីខ្មែរស្លាប់ដោយជំងឺក្រិនថ្លើម
ពីប្រទេសកូរ៉េខាងត្បូង លោក ឡុង ឌីម៉ង់ ឯកអគ្គរដ្ឋទូតកម្ពុជាប្រចាំប្រទេសនេះ បានប្រាប់វិទ្យុបារាំង RFI តាមបណ្តាញទូរស័ព្ទថា ការស្លាប់របស់ពលការិនីម្នាក់កាលពីថ្ងៃ២០ខែធ្នូកន្លងទៅនេះ គឺដោយសារតែនាងមានជំងឺក្រិនថ្លើម។ ការបញ្ជាក់របស់តំណាងផ្លូវការរបស់កម្ពុជានៅប្រទេសកូរ៉េពេលនេះ គឺធ្វើឡើងបន្ទាប់ពី ប្រព័ន្ធផ្សព្វផ្សាយក្នុងស្រុកកូរ៉េមួយចំនួនបានចុះផ្សាយ ដោយមានការសន្និដ្ឋានការស្លាប់របស់ពលការិនីខ្មែររូបនេះ ផ្សេងៗគ្នា និងមិនផ្លូវការ រួមទាំងមានការបង្ហោះតៗគ្នាតាមហ្វេសប៊ុកផងដែរ។ ក៏ប៉ុន្តែសម្រាប់ លោក ឡុង ឌីម៉ង់ ការបញ្ជាក់របស់ស្ថានទូតកម្ពុជានៅពេលនេះ គឺជាលទ្ធផលផ្លូវការដែលចេញមកពី របាយការណ៍នៃការធ្វើកោសល្យវិច្ច័យរបស់សមត្ថកិច្ចកូរ៉េនៅថ្ងៃព្រហស្បតិ៍នេះ។ ទោះយ៉ាងណាលោកថា ស្ថានទូតបានរុញសំណុំរឿងនេះទៅកាន់ការិយាល័យរដ្ឋអាជ្ញាកូរ៉េ ដើម្បីបញ្ជាក់ពីភាពច្បាស់លាស់ចុងក្រោយនៃមរណភាពនេះ។
ចុះផ្សាយនៅថ្ងៃ៖
សូមស្តាប់ប្រសាសន៍ លោក ឡុង ឌីម៉ង់ រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ