ខេត្តកោះកុង បង្កើនវិធានការប្រុងប្រយ័ត្នលំហូរពលករខ្មែរចេញពីថៃ ខណៈមានការឆ្លងកូវីដ១៩នៅក្នុងខេត្តត្រាត
លោកសុខ សុទ្ធី អភិបាលរងខេត្តកោះកុង បានប្រាប់វិទ្យុបារាំងអន្តរជាតិ RFI នៅថ្ងៃនេះថា ខេត្តកោះកុងបានបង្កើនវិធានការប្រុងប្រយ័ត្ន និងត្រួតពិនិត្យយ៉ាងម៉ត់ចត់ចំពោះលំហូរចូលរបស់ពលករខ្មែរចេញពីប្រទេសថៃ។ ចំពោះវិធានការដែលខេត្តកោះកុងបានដាក់ចេញរួមមាន ការផ្សព្វផ្សាយឱ្យពលករខ្មែរធ្វើការនៅប្រទេសថៃអនុវត្តតាមវិធានការសុវត្ថិភាពរបស់សុខាភិបាលខេត្តត្រាត។ និងបានដាក់កងកម្លាំងយាមកាមជាប្រចាំនៅតាមច្រកព្រំដែនគោក និងទឹក ដោយបានសហការជាមួយមន្រ្តីសុខាភិបាលចុះពិនិត្យ និងកំណត់ឱ្យពលករមកពីថៃធ្វើចត្តាឡីស័កជាកំហិត។
ចុះផ្សាយនៅថ្ងៃ៖
សូមស្តាប់សំឡេងលោកសុខ សុទ្ធី៖
គិតមកត្រឹមថ្ងៃទី០៤ ខែមករានេះ ចំនួនពលករខ្មែរត្រឡប់មកពីប្រទេសថៃមានចំនួនជាង ៣០នាក់ហើយ ដែលបានដាក់ឱ្យធ្វើចត្តាឡីស័ក។ នេះបើតាមការបញ្ជាក់ប្រាប់ពីលោកអភិបាលរងខេត្តកោះកុង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ