លោកលឹង សុផុន៖ ពលករខ្មែរជាងមួយសែននាក់នឹងប្រឈមបញ្ហាផ្លូវច្បាប់ពីអាជ្ញាធរថៃ ដោយសារមិនធ្វើបណ្ណស្របច្បាប់
ពលករខ្មែរនៅប្រទេសថៃ ត្រូវបានអាជ្ញាធរថៃតម្រូវឲ្យធ្វើបណ្ណស្របច្បាប់ ដើម្បីឲ្យពួកគេអាចបន្តធ្វើការងារ និងសម្រួលដល់ការរស់នៅរបស់ពួកគេក្នុងប្រទេសថៃ។ ដំណើរការធ្វើបណ្ណស្របច្បាប់នេះមានរយៈពេលមួយខែចាប់ពីថ្ងៃទី១៥មករា ដល់ថ្ងៃទី១៣កុម្ភៈ។ យ៉ាងណាក៏ដោយគិតត្រឹមថ្ងៃទី១៧កុម្ភៈនេះ លោកលឹង សុផុន មន្ត្រីទទួលបន្ទុកកិច្ចការអន្តោប្រវេសន៍នៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្សបានថ្លែងប្រាប់វិទ្យុបារាំងអន្តរជាតិពីខេត្តឈុនបុរីប្រទេសថៃ ថា មានពលកររហូតដល់ទៅ១សែននាក់ មិនទាន់បានចុះឈ្មោះធ្វើបណ្ណស្របច្បាប់ទៅតាមវិធានការរបស់អាជ្ញាធរថៃ។ បើតាមលោកលឹង សុផុន ការខកខានមិនបានធ្វើបណ្ណស្របច្បាប់ដូច្នេះ នឹងធ្វើឲ្យពលករខ្មែរទាំងជាង១សែននាក់នោះ នឹងប្រឈមបញ្ហាផ្លូវច្បាប់ពីសំណាក់អាជ្ញាធរថៃ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោកលឹង សុផុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ