លោក ហ៊ុន សែន បញ្ជាឲ្យខេត្តនៅព្រំដែនបើកផ្លូវឲ្យពលរដ្ឋខ្មែរដឹកទំនិញទៅលក់នៅប្រទេសក្បែរខាងឡើងវិញ
ប្រមុខរដ្ឋាភិបាល លោក ហ៊ុន សែន បានចេញបទបញ្ជាផ្ទាល់មាត់នៅថ្ងៃទី២៤កុម្ភៈនេះ ឲ្យអគ្គនាយកអន្តោប្រវេសន៍ និងអភិបាលខេត្តនៅតាមព្រំដែនកម្ពុជា-វៀតណាម-ថៃ ដកចេញបំរាម ដែលហាមពលរដ្ឋខ្មែរដឹកទំនិញជាពិសេសផលិតផលកសិកម្មទៅលក់ប្រទេសទាំងពីរ។ បើតាមលោក ហ៊ុន សែន បំរាមនេះ កំពុងដើរហួសពីបទបញ្ជារបស់លោកហើយ។ សម្រាប់លោកនាយករដ្ឋមន្ត្រី លោកបញ្ជាឲ្យគ្រប់គ្រងការចេញចូលរបស់មនុស្សនៅតាមព្រំដែនដើម្បីបង្ការការឆ្លងរាលដាលកូវីដ១៩ តែមិនមែនបញ្ជាឲ្យបិទសកម្មភាពពាណិជ្ជកម្មរបស់ពលរដ្ឋនោះទេ។ សូមជម្រាបជូនថា បទបញ្ជារបស់លោកនាយករដ្ឋមន្ត្រី ហ៊ុន សែន នៅថ្ងៃនេះធ្វើឡើងបន្ទាប់ពីលោកទើបទទួលបានដំណឹងថា នៅព្រំដែនខេត្តប៉ៃលិនមានការបិទមិនឲ្យពលរដ្ឋនាំយកផលិតផលកសិកម្មរបស់ខ្លួនទៅលក់នៅប្រទេសថៃ។
ចុះផ្សាយនៅថ្ងៃ៖
លោក ហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ