មន្ត្រីជួរមុខនៅតាមខេត្តជាប់ព្រំដែនជាមួយប្រទេសជិតខាងចាប់ផ្តើមទទួលវ៉ាក់សាំងកូវីដ១៩ហើយនៅថ្ងៃនេះ
ខេត្តមួយចំនួនរបស់កម្ពុជា ដែលស្ថិតនៅតាមបណ្តោយព្រំដែនជាមួយប្រទេសជិតខាង នៅថ្ងៃពុធនេះ បានចាប់ផ្តើមចាក់វ៉ាក់សាំងការពារជំងឺកូវីដ១៩ ជាបណ្តើរៗហើយ ដល់មន្ត្រីរាជការជួរមុខ ដែលប្រឈមនឹងហានិភ័យនៃការឆ្លងជំងឺកូវីដ១៩។ លោក លី សារី អភិបាលរង និងជាអ្នកនាំពាក្យសាលាខេត្តបន្ទាយមានជ័យ បានប្រាប់វិទ្យុបារាំង RFI នៅថ្ងៃនេះថា មន្ត្រីសំខាន់ៗ ដែលធ្វើការផ្ទាល់ជាមួយនឹងពលករខ្មែរឆ្លងដែនមកពីប្រទេសថៃនៅមណ្ឌលចត្តាឡីស័កនានា ត្រូវបានផ្តល់ការចាក់វ៉ាក់សាំងជាអាទិភាព។ ក៏ប៉ុន្តែ លោក លី សារី មិនបានបញ្ជាក់ថាមានមនុស្សប៉ុន្មាននាក់ បានទទួលការចាក់វ៉ាក់សាំងការពារកូវីដ១៩នៅថ្ងៃដំបូងនេះនៅឡើយទេ ដោយសារនៅថ្ងៃស្អែក នឹងមានការចាក់វ៉ាក់សាំងជាបន្តទៀត។
ចុះផ្សាយនៅថ្ងៃ៖
សូមស្តាប់លោក លី សារី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ