ក្រសួងបរិស្ថានអំពាវនាវឲ្យអភិរក្សសត្វដំរីឲ្យបានគង់វង្ស នៅតំបន់ការពារធម្មជាតិដែនជំរកសត្វព្រៃ
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន នៅថ្ងៃសុក្រនេះ បានអំពាវនាវដល់ប្រជាពលរដ្ឋ ដែលរស់នៅតាមដែនជម្រកសត្វព្រៃនានា នៅក្នុងប្រទេសកម្ពុជា ចូលរួមការពារ និងអភិរក្សសត្វដំរី។ ការថ្លែងរបស់ លោក នេត្រ ភក្ត្រា ដូច្នេះ គឺធ្វើឡើងក្រោយហ្វូងដំរីព្រៃចំនួន៣៨ក្បាល បានបង្ហាញខ្លួននៅឯស្រះទឹកមួយ ស្ថិតនៅក្នុងដែនជំរកសត្វព្រៃកែវសីម៉ា ខេត្តមណ្ឌលគីរី កាលពីថ្ងៃទី៣១ខែមីនាកន្លងទៅ។ មន្ត្រីជាន់ខ្ពស់ក្រសួងបរិស្ថានរូបនេះ បញ្ជាក់ថា ដែនជម្រកសត្វព្រៃកែវសីម៉ា គឺជាទីជម្រកដ៏ធំមួយរបស់សត្វដំរីព្រៃអាស៊ី និងប្រភេទសត្វកម្រផ្សេងទៀត។
ចុះផ្សាយនៅថ្ងៃ៖
សូមស្តាប់ លោក នេត្រ ភក្ត្រា៖
សូមបញ្ជាក់ថា កម្រិតនៃការបរបាញ់សត្វដំរីព្រៃត្រូវបានកត់សម្គាល់ថា មានការធ្លាក់ចុះខ្លាំងស្ទើរតែគ្មានក្នុងរយៈពេលជាង ១០ឆ្នាំមកនេះ ដោយសារតែអាជ្ញាធរមានសមត្ថកិច្ច ពង្រឹងការអនុវត្តន៍ច្បាប់បានយ៉ាងល្អ ខណៈកាលពីជាង ៣០ឆ្នាំមុន ដំរីព្រៃត្រូវបានសម្លាប់ដោយការបរបាញ់អស់ជាច្រើនក្បាល។ នៅក្នុងប្រទេសកម្ពុជាបច្ចុប្បន្ន ដំរីអាស៊ីមានចំនួនចន្លោះពី ៤០០ ទៅ ៦០០ក្បាល ដែលភាគច្រើនរស់នៅក្នុងតំបន់ជួរភ្នំក្រវាញ តំបន់ខ្ពង់រាបខាងជើងទន្លេសាប និងតំបន់ខ្ពង់រាបភាគខាងកើតក្នុងខេត្តមណ្ឌលគិរី ដែលជាតំបន់ជីវៈចម្រុះដ៏សំបូរបែប ប្រព័ន្ធអេកូទ្បូស៊ី និងមានទីជម្រាលអំណោយផលដល់ការរស់នៅរបស់សត្វដំរី និងសត្វព្រៃផ្សេងៗទៀត។ ចំណែកដំរីស្រុកត្រូវបានប៉ាន់ស្មានថាមានចំនួន ៧១ ក្បាលប៉ុណ្ណោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ