លោក ហ៊ុន សែន៖ ការផ្អាក២០%នៃEBA ពីអឺរ៉ុប មិនប៉ះពាល់អ្វីទាំងអស់ដល់សេដ្ឋកិច្ចកម្ពុជាអំឡុងពេលកូវីដ-១៩
ឆ្លើយតបទៅនឹងសំណួរនៅក្នុងអង្គសន្និសីទអន្តរជាតិលើកទៅ២៦តាមប្រព័ន្ធអនឡាញ ស្តីពី«អនាគតរបស់អាស៊ី» ក្រោមប្រធានបទ«ការរៀបចំសម័យកាលថ្មីក្រោយវិបត្តិកូវីដ៖ តួនាទីរបស់អាស៊ីក្នុងការស្តារពិភពលោកឡើងវិញ» នាព្រឹកថ្ងៃទី២០ ខែឧសភានេះ លោកនាយករដ្ឋមន្ត្រី ហ៊ុន សែន បានថ្លែងថា ការផ្អាកផ្នែកខ្លះនៃប្រព័ន្ធអនុគ្រោះពន្ធពីសហភាពអឺរ៉ុប (EBA) ដល់កម្ពុជា លែងមានឥទ្ធិពលអ្វីទាំងអស់ អំឡុងពេលដែលសេដ្ឋកិច្ចកម្ពុជា ក៏ដូចជាសេដ្ឋកិច្ចពិភពលោក រងផលប៉ះពាល់ពីការរាតត្បាតនៃជំងឺកូវីដ-១៩។ លោក ហ៊ុន សែន នៅតែការពារខ្លួនថាការដក២០%នៃ EBA ពីសហភាពអឺរ៉ុបគឺជារឿងដ៏អយុត្តិធម៌ ដែលធ្វើឡើងមិនស្របតាមស្ថានភាពពិតជាក់ស្តែងនៅក្នុងប្រទេសកម្ពុជា។ ទោះយ៉ាងណា លោកនាយករដ្ឋមន្ត្រីបញ្ជាក់ថា កម្ពុជានៅតែបន្តការនាំចូលអឺរ៉ុបដោយបង់ពន្ធ២០% និងបន្តយន្តការប្រជាធិបតេយ្យរបស់ខ្លួន ដោយមានការរៀបចំការបោះឆ្នោតតាមកាលកំណត់ នៅឆ្នាំ២០២១ និងឆ្នាំ២០២២ ខាងមុខ។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ