អាជ្ញាធរខេត្តកំពតបិទកាស៊ីណូព្រំដែនទាំងអស់ ក្រោយរកឃើញអ្នកឆ្លងកូវីដ-១៩ ជាង១០០នាក់
ខេត្តកំពត ដែលជាខេត្តទេសចរណ៍ដ៏សំខាន់មួយជាប់មាត់សមុទ្រ រយៈពេល២ថ្ងៃជាប់ៗគ្នា បានរកឃើញអ្នកឆ្លងជំងឺកូវីដ-១៩ ដល់ទៅជាង១០០នាក់ គឺនៅថ្ងៃច័ន្ទនេះ រកឃើញ៥៥នាក់ និងថ្ងៃអាទិត្យម្សិលមិញ រកឃើញ៥៦នាក់។ ករណីឆ្លងថ្មី និងដោយចំនួនច្រើននៅខេត្តកំពតពេលនេះ គឺបានកើតឡើងនៅឯកាស៊ីណូឈ្មោះ សុខ គឹមម៉េង ស្ថិតនៅតំបន់តន់ហន់ តាមបណ្តោយព្រំដែន កម្ពុជា-វៀតណាម ក្នុងស្រុកកំពង់ត្រាច។ លោក ជាវ តាយ អភិបាលខេត្តកំពតប្រាប់វិទ្យុបារាំងអន្តរជាតិ RFI នៅថ្ងៃនេះថា ភ្លាមៗរដ្ឋបាលខេត្តបានបិទខ្ទប់តំបន់កាស៊ីណូ ដែលជាប់ច្រកទ្វារអន្តរជាតិតន់ហន់ និងកាស៊ីណូ នៅច្រកទ្វារព្រែកចាកផងដែរ បើទោះណាកាស៊ីណូព្រែកចាកមិនទាន់មានការឆ្លងជំងឺកូវីដ-១៩ទៅដល់ក៏ដោយ។
ចុះផ្សាយនៅថ្ងៃ៖
សូមស្តាប់ប្រសាសន៍ លោក ជាវ តាយ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ