អ្នកសេដ្ឋកិច្ច៖ផលប៉ះពាល់លើការផ្គត់ផ្គងបន្លែនៅកម្ពុជាដែលបណ្ដាលមកពីផ្អាកការចេញចូលព្រំដែនកម្ពុជា-វៀតណាមមានទំហំតិចតួច
បណ្ដាខេត្តខ្មែរជាប់ព្រំដែនកម្ពុជា-វៀតណាម នៅថ្ងៃទី១៨ខែកក្កដានេះ សម្រេចបិទមិនឲ្យមានការធ្វើដំណើរចេញចូលជាបណ្ដោះអាសន្នរយៈពេលមួយខែ ដើម្បីទប់ស្កាត់ការរីករាលដាលជំងឺកូវីដចម្លងពីវៀតណាមចូលមកកម្ពុជា។ អភិបាលខេត្តតាកែវលោក អ៊ូច ភា បានប្រាប់វិទ្យុបារាំងអន្តរជាតិតាមប្រព័ន្ធតេឡេក្រាមយ៉ាងខ្លីនៅថ្ងៃអាទិត្យនេះថា ចំពោះការដោះដូរទំនិញរវាងប្រទេសទាំងពីរនៅដំណើរការធម្មតា តែត្រូវអនុវត្តវិធានការរបស់ក្រសួងសុខាភិបាល។ សម្រាប់លោកបណ្ឌិត គី សេរីវឌ្ឍ អ្នកជំនាញសេដ្ឋកិច្ចមើលឃើញថា នេះជាឱកាសសម្រាប់កសិករខ្មែរក្នុងការនាំយកផលិតផលកសិកម្មរបស់ខ្លួនមកលក់លើទីផ្សារ។ អ្នកសេដ្ឋកិច្ចរូបនេះមើលឃើញទៀតថា ផលប៉ះពាល់លើការផ្គត់ផ្គង់បន្លែនៅកម្ពុជាដែលបណ្ដាលមកពីផ្អាកការចេញចូលព្រំដែនកម្ពុជា-វៀតណាមមានទំហំតិចតួច។ តិចតួចព្រោះថា ការដោះដូរទំនិញបន្លែបង្ការនៅសល់ច្រកព្រំដែនកម្ពុជាថៃមួយទៀតដែលនៅចំហរ។
ចុះផ្សាយនៅថ្ងៃ៖
សូមស្ដាប់លោក គី សេរីវឌ្ឍ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ