លោក ហ៊ុន សែន ច្រានចោលការផ្តើមធ្វើច្បាប់ការពារមេដឹកនាំ និងព្រមានអ្នកវិភាគនយោបាយ និងសង្គម
ឆ្លៀតនៅក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ សម្រាប់កុមារអាយុ ៦ឆ្នាំ ដល់ ១២ឆ្នាំនាព្រឹកនេះដែរ លោកនាយករដ្ឋមន្ត្រី ហ៊ុន សែន បានប្រតិកម្មទៅនឹងការលើកឡើង ជុំវិញការបបួលគ្នាធ្វើច្បាប់ដើម្បីការពារមេដឹកនាំកំពូល៣រូប។ គឺជាការសំដៅទៅរកលោក សម រង្ស៊ី មេដឹកនាំអតីតគណបក្សសង្គ្រោះជាតិ លោក ហ៊ុន សែន បានហៅឲ្យមានការស្បថស្បែរ ដោយថាលោក សម រង្ស៊ី ទេដែលជាអ្នកបបួលលោក មិនមែនលោក ជាអ្នកបបួលលោក សម រង្ស៊ី ទេ។ ចំណុចនេះ លោកនាយករដ្ឋមន្ត្រី បញ្ជាក់ថា គ្រាន់តែការធ្វើច្បាប់ដើម្បីការពារមេដឹកនាំ លោកមិនចាំបាច់ទៅពឹងសម្លេងអ្នកណាឡើយ ដោយគណបក្សប្រជាជនអាចមានលទ្ធភាពបង្កើតបានយ៉ាងស្រួល ហើយក៏អាចកែរដ្ឋធម្មនុញ្ញបានដែរ។
ចុះផ្សាយនៅថ្ងៃ៖
សូមស្តាប់ប្រសាសន៍របស់លោកនាយករដ្ឋមន្ត្រី ហ៊ុន សែន៖
ក្រៅពីនេះ លោកនាយករដ្ឋមន្ត្រី ហ៊ុន សែន ក៏បានបង្ហើបថាមានបណ្ឌិតម្នាក់ មានដីការចាប់ខ្លួនរួចហើយ ដោយសារតែបានគាំទ្រលក្ខខណ្ឌ៦ចំណុច ដែលអាចបង្កើតរដ្ឋាភិបាលក្រៅប្រទេសបាន។ ជាមួយគ្នានេះ លោកបណ្ឌិត មាស នី ដែលជាអ្នកសិក្សាការអភិវឌ្ឍន៍សង្គម ក៏ត្រូវបានលោក ហ៊ុន សែន លើកឈ្មោះមកនិយាយដែរ ព្រមទាំងប្រាប់កុំឲ្យព្រហើន ខណៈដែលលោកបណ្ឌិត តែងតែរិះគន់ឥរិយាបទរបស់រដ្ឋាភិបាលទីក្រុងភ្នំពេញ ដែលតែងតែត្រូវរូវគ្នាយ៉ាងស្អិតរមួតជាមួយចិន។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ