លោក ឃឹម ហ្វីណង់៖ ដីគម្របព្រៃឈើដែលកាត់ឱ្យក្រុមហ៊ុនអភិវឌ្ឍ លែងមានព្រៃឈើតាំងពីឆ្នាំ២០០០មកម្ល៉េះ
ដីគម្របព្រៃឈើចំនួន១៧២ហិកតា នៅភូមិចំនួន២ និងឃុំចំនួន២ ក្នុងស្រុកបន្ទាយស្រី ខេត្តសៀមរាប ត្រូវបានរដ្ឋាភិបាលកាត់ទៅឱ្យក្រុមហ៊ុន លោក ឡេង ណាវ៉ាត្រា ដើម្បីអភិវឌ្ឍន៍គម្រោងដីឡូត៍។ ការសម្រេចនេះធ្វើឡើង តាមរយៈអនុក្រឹតលេខ ១២០អនក្រ.បក ដែលចុះហត្ថលេខាដោយលោកនាយករដ្ឋមន្ត្រី ហ៊ុន សែន កាលពីថ្ងៃទី២៣ កក្កដា ឆ្នាំ២០២១។ ជុំវិញការកាត់ដីគម្របព្រៃឈើនេះ លោក ឃឹម ហ្វីណង់ អភិបាលស្រុកបន្ទាយស្រី បានអះអាងប្រាប់វិទ្យុបារាំង RFI នាព្រឹកថ្ងៃអាទិត្យ ទី១៩កញ្ញា ថា ដីគម្របព្រៃនេះ មែនទែនទៅ ត្រូវបានប្រជាពលរដ្ឋចូលកាន់កាប់អាស្រ័យផល និងតាំងទីលំនៅ ចាប់តាំងពីដើមឆ្នាំ២០០០មកម្ល៉េះ។ ហើយបច្ចុប្បន្ន ទីតាំងដីក៏លែងមានព្រៃឈើអ្វីទៀតនោះដែរ។ សម្រាប់លោក ឃឹម ហ្វីណង់ការកាត់ដីនេះទៅឲ្យក្រុមហ៊ុនឯកជន នឹងមិនបង្កជាបញ្ហាវិវាទណាមួយកើតឡើងទេ ដោយលោកអភិបាលស្រុកសម្អាងថា ដីនេះក្រុមហ៊ុនអាចទិញពីប្រជាពលរដ្ឋស្របតាមច្បាប់។
ចុះផ្សាយនៅថ្ងៃ៖
សូមស្តាប់លោក ឃឹម ហ្វីណង់៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ