ជំនន់ទឹកភ្លៀងកំពុងលិចផ្លូវជាច្រើននៅក្រុងប៉ោយប៉ែត ខណៈអាជ្ញាធរកំពុងអន្តរាគមន៍
ជំនន់ទឹកភ្លៀងកំពុងលិចគ្របដណ្តប់ហេដ្ឋារចនាសម្ព័ន្ធផ្លូវថ្នល់ជាច្រើននៅក្នុងក្រុងប៉ោយប៉ែត បន្ទាប់ពីមានភ្លៀងធ្លាក់ជាប់ៗគ្នាប៉ុន្មានថ្ងៃមកនេះ ដោយសារឥទ្ធិពលព្យុះ។ រហូតមកទល់ថ្ងៃនេះ ផ្ទៃមេឃនៅក្រុងប៉ោយប៉ែតនៃខេត្តបន្ទាយមានជ័យ នៅមិនទាន់ស្រឡះនៅឡើយ ទឹកភ្លៀងរលឹមនៅតែបន្តធ្លាក់។ លោក កែវ តារារស្មី អភិបាលរង និងជាអ្នកនាំពាក្យក្រុងប៉ោយប៉ែត បានប្រាប់វិទ្យុបារាំង RFI នៅថ្ងៃនេះថា ជំនន់ទឹកភ្លៀងបានធ្វើឲ្យលិចផ្លូវមួយចំនួននៅក្នុងក្រុង ប្រជាពលរដ្ឋមួយចំនួនត្រូវបានជន្លៀសទៅកាន់ទីទួលសុវត្ថិភាព ក៏ប៉ុន្តែមិនមានបញ្ហាគ្រោះថ្នាក់ដល់អាយុជីវិតមនុស្ស និងសត្វ ឬខូចខាតទ្រព្យសម្បត្តិអ្វីនៅឡើយ។ តាមលោកអភិបាលរង អាជ្ញាធរកំពុងត្រៀមលក្ខណៈ ដើម្បីបញ្ចៀសហានិភ័យជាយថាហេតុផ្សេងទៀត ដែលអាចកើតឡើង ដោយសារតែបញ្ហាអាកាសធាតុ។
ចុះផ្សាយនៅថ្ងៃ៖
សូមស្តាប់ លោក កែវ តារារស្មី រៀបចំជូនដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ