ប៉ោយប៉ែតមិនមានជំនន់បន្ថែមទៀតទេ ទោះជាភាគីថៃប្រាប់ឲ្យភាគីកម្ពុជាមានការប្រុងប្រយ័ត្នក៏ដោយ
ទឹកជំនន់នៅក្រុងប៉ោយប៉ែត នៃខេត្តបន្ទាយមានជ័យ ដែលបណ្តាលមកពីភ្លៀងធ្លាក់ជាប់ៗគ្នាប៉ុន្មានថ្ងៃកន្លងទៅនេះ បានស្រកទៅវិញបន្តិចហើយ មកទល់ព្រឹកថ្ងៃសុក្រនេះ។ លោក កែវ តារារស្មី អភិបាលរង និងជាអ្នកនាំពាក្យរដ្ឋបាលក្រុងប៉ោយប៉ែត បានប្រាប់វិទ្យុបារាំង RFI នៅថ្ងៃនេះថា ក្រុងប៉ោយប៉ែត នឹងមិនមានការគំរាមកំហែងដោយទឹកជំនន់បន្ថែមទៀតទេ ប្រសិនបើអាកាសធាតុវិលមករកភាពប្រក្រតីដូចថ្ងៃនេះ។ ដោយឡែកទឹកជំនន់ ដែលអាចហូរចាក់មកពីប្រទេសថៃ ដូចដែលភាគីថៃបានជូនដំណឹងមកកម្ពុជាកាលពីថ្ងៃមុន ក៏មិនមានដែរ ដោយសារស្ថានភាពទឹកនៅខាងទឹកដីថៃ មិនទាន់មានការជន់លិចអ្វីជាធំដុំនៅឡើយ។ នេះបើតាម លោក កែវ តារារស្មី។
ចុះផ្សាយនៅថ្ងៃ៖
សូមស្ដាប់លោក កែវ តារារស្មី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ