ពលរដ្ឋខ្មែរ ដែលគ្មានការងារធ្វើនៅក្នុងប្រទេសថៃប្រឈមនឹងការឆ្លងកូវីដ-១៩ ខ្ពស់បំផុត
ពលរដ្ឋខ្មែរ ដែលមិនមានការងារធ្វើនៅក្នុងប្រទេសថៃ គឺជាក្រុមមនុស្ស ដែលកំពុងប្រឈមនឹងការឆ្លងជំងឺកូវីដ-១៩ ខ្ពស់ជាងគេ ក្នុងចំណោមពលករ ដែលបានចូលទៅបំរើការងារនៅទីនោះ។ លោក លឹង សុផុន មន្ត្រីផ្នែកពលករអន្តោប្រវេសន៍របស់អង្គការសម្ព័ន្ធភាពការងារ និងសិទ្ធិមនុស្ស(សង់ត្រាល់) បានប្រាប់វិទ្យុបារាំងអន្តរជាតិ RFI ពីខេត្តឈុនបុរីប្រទេសថៃមកថា ពលរដ្ឋខ្មែរដែលមិនមានការងារធ្វើ មិនត្រូវបានអាជ្ញាធរថៃផ្តល់វ៉ាក់សាំងការងារកូវីដ-១៩ឲ្យទេ។ ពួកគេជិតពាក់កណ្តាលនៃពលករខ្មែរ ជាមនុស្សនៅក្រៅប្រព័ន្ធការងារ ដូចជាកូនក្មេង មនុស្សចាស់ បងប្អូន ឬអ្នកដែលទៅនៅជាមួយពលករជាដើម។ ដោយឡែក ចំពោះពលករខ្មែរ ដែលមានការងារធ្វើវិញ ពួកគេភាគច្រើនទើបតែទទួលបានការចាក់វ៉ាក់សាំងដូសដំបូងប៉ុណ្ណោះ។
ចុះផ្សាយនៅថ្ងៃ៖
សូមស្ដាប់ប្រសាសន៍លោក លឹង សុផុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ