លោក ហ៊ុន សែន គ្រោងបើកដំណើរការសេដ្ឋកិច្ច និងសង្គមឡើងវិញ ប្រសិនបើពី១០ទៅ១៥ថ្ងៃទៀត មិនមានការផ្ទុះឆ្លងកូវីដ-១៩
នៅក្នុងកិច្ចប្រជុំគណៈរដ្ឋមន្ត្រីកាលពីព្រឹកថ្ងៃសុក្រនេះ លោកនាយករដ្ឋមន្ត្រី ហ៊ុន សែន បានប្រាប់អង្គប្រជុំថា លោកមានគម្រោងបើកសកម្មភាពសេដ្ឋកិច្ច និងសង្គមឡើងវិញ ប្រសិនបើរយៈពេលពី ១០ ទៅ១៥ថ្ងៃខាងមុខ មិនមានការផ្ទុះការឆ្លងជំងឺកូវីដ-១៩ ឡើងវិញនោះទេ។ ការថ្លែងរបស់លោក ហ៊ុន សែន ដូច្នេះ គឺធ្វើឡើងបន្ទាប់ពីប្រជាពលរដ្ឋជាងកន្លះលាននាក់ បាននាំគ្នាដើរកម្សាន្ត នៅក្នុងឱកាសបុណ្យភ្ជុំបិណ្ឌនៅតាមតំបន់ទេសចរណ៍នានាទូទាំងប្រទេស ទាំងកម្ពុជាស្ថិតនៅក្នុងការបារម្ភនៅឡើយ ចំពោះការឆ្លងរាលដាលនៃជំងឺកូវីដ-១៩ ជាពិសេសប្រភេទដែលតា។ ការបើកឲ្យដើរកម្សាន្តនេះ ត្រូវលោកនាយករដ្ឋមន្ត្រីប្រាប់ឲ្យដឹងជាសាធារណៈថា គឺជាការសាកល្បងដ៏ធំមួយ ដើម្បីឈានទៅបើកប្រទេសឡើងវិញ លើគ្រប់វិស័យ ប៉ុន្តែត្រូវបន្តរស់តាមគន្លងថ្មី ដោយប្រកាន់ខ្ជាប់នូវវិធានការនានារបស់ក្រសួងសុខាភិបាល។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ