លោក ស ខេង ប្រាប់ចៅហ្វាយខេត្តបាត់ដំបងឲ្យដកស្រង់បទពិសោធន៍ដោះស្រាយទំនាស់ពីលោក ម៉ៅ ធនិន អភិបាលខេត្តពោធិ៍សាត់
នៅក្នុងឱកាសនៃការប្រកាសចូលកាន់មុខតំណែងអភិបាលខេត្តបាត់ដំបងថ្មី គឺលោក សុខ លូ អតីតអភិបាលខេត្តកំពង់ធំនាព្រឹកថ្ងៃចន្ទនេះ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានរំលឹកជាថ្មីឲ្យមន្ត្រីថ្នាក់ក្រោមជាតិ យកចិត្តទុកដាក់ដោះស្រាយទំនាស់ក្រៅប្រព័ន្ធតុលាការ។ លោក ស ខេង បានលើកយកពីភាពជោគជ័យក្នុងការដោះស្រាយបញ្ហារបស់ប្រជាពលរដ្ឋតាមរយៈការប្តឹងចូលមកក្នុងទំព័រហ្វេសប៊ុករបស់លោក ដែលពេលនេះ មានសំណុំរឿងមិនតិចជាង១ពាន់ករណីទេ ដែលលោកបានទទួល និងដោះស្រាយប្រកបដោយប្រសិទ្ធភាព។ លោករដ្ឋមន្ត្រីក៏បានប្រាប់ឲ្យបើកផ្លូវផងដែរ ឲ្យប្រជាពលរដ្ឋអាចប្តឹងឡើងទៅដល់លោកនាយករដ្ឋមន្ត្រី ហ៊ុន សែន ប្រសិនបើបញ្ហាមួយចំនួនថ្នាក់ក្រោមជាតិមិនអាចមានលទ្ធភាពដោះស្រាយបាន។ លើសពីនេះ លោក ស ខេង បានប្រាប់ឲ្យអភិបាល និងមន្ត្រី ខេត្តបាត់ដំបងដកស្រង់បទពិសោធន៍ពី លោក ម៉ៅ ធនិន អភិបាលខេត្តពោធិ៍សាត់ ដែលនឹងត្រូវប្តូរទៅធ្វើជាអភិបាលខេត្តកំពត នៅថ្ងៃទី១៣ ខែតុលាខាងមុខ។
ចុះផ្សាយនៅថ្ងៃ៖
សូមស្តាប់ប្រសាសន៍លោក ស ខេង រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ