ប្រជាពលរដ្ឋមិនមានជំនឿ ខណៈអាជ្ញាធរខេត្តសន្យាចុះដោះស្រាយបញ្ហាដីធ្លីនៅខេត្តកោះកុង
ប្រជាពលរដ្ឋប្រមាណ៧០០នាក់ មកពីសហគមន៍ចំនួន៦ នៃស្រុកស្រែអំបិល ខេត្តកោះកុង នៅព្រឹកថ្ងៃទី២៤ ខែវិច្ឆិកានេះ បាននាំគ្នាទៅកាន់សាលាខេត្ត ដើម្បីសួរនាំញត្តិរបស់ពួកគេ ដែលបានដាក់ទៅអាជ្ញាធរ កាលពីពេលកន្លងទៅ និងដាក់ញត្តិថ្មីបន្ថែមជុំវិញបញ្ហាដីធ្លី។ ជាដីកម្មសិទ្ធិឯកជនរបស់រដ្ឋចំនួនជាង១ពាន់ហិចតា ដែលប្រជាពលរដ្ឋជាង៧០០គ្រួសារ បានស្នើសុំពីរដ្ឋាភិបាល ដើម្បីយកមកកាន់កាប់អាស្រ័យផលក្រោមរូបភាពដីសម្បទានសង្គមកិច្ច។ លោកស្រី ផាវ ញ៉ើង តំណាងប្រជាពលរដ្ឋសហគមន៍១៧៥ បានថ្លែងប្រាប់វិទ្យុបារាំង RFI ក្រោយជំនួបជាមួយលោកស្រី មិថុនា ភូថង អភិបាលខេត្តកោះកុងថា ជំនួបជាមួយអភិបាលខេត្តកោះកុងពេញមួយព្រឹកនេះ មិនមានលទ្ធផលអ្វីជាវិជ្ជមានទេ។ ក៏ប៉ុន្តែលោកស្រីទទួលស្គាល់ថាអភិបាលខេត្តកោះកុងជាស្ត្រីរូបនេះ មានសុឆន្ទៈជជែកគ្នាច្រើនជាងអភិបាលខេត្តមុនៗ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោកស្រី ផាវ ញ៉ើង៖
សូមរំលឹកថា ប្រជាពលរដ្ឋចំនួន ៧០០គ្រួសារនេះ ធ្លាប់បានដាក់ញត្តិស្នើសុំដីសម្បទានសង្គមកិច្ចចំនួន២លើករួចមកហើយ ក្នុងនោះដាក់ទៅក្រសួងដែនដីកាលពីឆ្នាំ២០១៩ និងដាក់ទៅសាលាខេត្តកោះកុងកាលពីឆ្នាំ២០២០។ ក៏ប៉ុន្តែការស្នើសុំទាំងពីរលើកនេះ មិនត្រូវបានឆ្លើយតបពីអាជ្ញាធរនៅឡើយទេ ទាំងថ្នាក់ជាតិ និងថ្នាក់ក្រោមជាតិ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ