កញ្ញា ភួន កែវរស្មី៖ «ការផ្តល់ពានអ្នកការពារឈានមុខដល់យើង បង្ហាញថាសកម្មភាពរបស់យើងមិនខុសច្បាប់ទេ»
ក្រុមយុវជនសកម្មជនមាតាធម្មជាតិ0ចំនួន៦រូប ត្រូវបានអង្គការ Frontline Award ផ្តល់ជ័យលាភីពានរង្វាន់អ្នកការពារឈានមុខ(Frontline Award) ដែលកម្មវិធីប្រគល់ពានរង្វាន់នេះ ប្រព្រឹត្តទៅកាលពីថ្ងៃពុធម្សិលមិញ នៅទីក្រុង Dublin ប្រទេសអៀកឡង់ ត្រូវនឹងពេលយប់នៅកម្ពុជា។ ជាមួយគ្នានេះ ស្ថាប័ន និងបុគ្គល ដែលទទួលបានពានរង្វាន់ដូចគ្នានេះចំនួន៥ទៀត គឺមានមកពីប៉ាឡេស្ទីន សេរ៉ាឡេអូន បេឡារ៉ុស ព័រទុយហ្គាល់ និងប្រេស៊ីល។ កញ្ញា ភួន កែវរស្មី យុវតីម្នាក់ ក្នុងចំណោមយុវជន៦នាក់ នៃសកម្មជនមាតាធម្មជាតិ បានថ្លែងប្រាប់វិទ្យុបារាំង RFI នៅថ្ងៃនេះថា ពានរង្វាន់នេះគឺជាកិត្តិយសមួយដ៏ធំធេង ដែលបង្ហាញពីការលើកទឹកចិត្តដោយអន្តរជាតិ និងមានការគាំទ្រដោយពលរដ្ឋខ្មែរ លើសកម្មភាពការពារបរិស្ថានរបស់ពួកគេ បើទោះណាជារដ្ឋាភិបាលមិនទទួលស្គាល់ក៏ដោយ។
ចុះផ្សាយនៅថ្ងៃ៖
សូមស្តាប់ការលើកឡើងរបស់កញ្ញា ភួន កែវរស្មី តាមការសាកសួរពី ញឹម សុផល៖
សូមបញ្ជាក់ថា សកម្មជនមាតាធម្មជាតិទាំង៦រូប ម្នាក់ៗបានជាប់ពន្ធនាគារជាច្រើនខែ ចាប់តាំងពីខែមិថុនាឆ្នាំ២០២១មក ដោយសារតែការធ្វើសកម្មភាពការពារធនធានធម្មជាតិ និងបរិស្ថានរបស់ពួកគេកន្លងមក។ ក៏ប៉ុន្តែអាជ្ញាធរយល់ថាសកម្មភាពរបស់ក្រុមយុវជនទាំងនេះ បានបង្កប់នូវអំពើមិនស្របច្បាប់ មានគោលដៅប្រឆាំង និងផ្តួលរំលំរដ្ឋាភិបាល ដោយមានជនបរទេសនៅពីក្រោយ។ ពួកគេត្រូវបានអាជ្ញាធរចាប់ដាក់ពន្ធនាគារតាមរយៈអំណាចតុលាការជាបន្តបន្ទាប់ ទើបតែនៅយប់ថ្ងៃទី១២ ខែវិច្ឆិកា កន្លងទៅ សកម្មជនបរិស្ថានទាំង០៦រូប រួមមាន ថុន រដ្ឋា ភួន កែវរស្មី ឡុង គន្ធា យីម លាងហ៊ី លី ចន្រ្ទដារ៉ាវុធ និងស៊ុន រដ្ឋា ត្រូវបានដោះលែងអោយមានសេរីភាពឡើងវិញ និងខ្លះស្ថិតនៅក្រៅឃុំជាបណ្តោះអាសន្ន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ